ژڤانێ وهرگرتنا پارێ گلێشی ژ وهلاتیان ئاشكرابوو
ئهڤرۆ نیۆز:
رێڤهبهرێ گشتی یێ باژێرڤانیان ل پارێزگهها دهۆكێ تایبهت بۆ ئهڤرۆ نیۆز ئاشكرا كر كو جڤاتا وهزیرێن حوكمهتا ههرێما كوردستانێ ب نڤیسارهكا فهرمی خواستیه میكانزمهكێ بۆ وهرگرتنا پارێ گلێشی ژ وهلاتیان بدانن.
ههڤال ئهحمهد، رێڤهبهرێ گشتی یێ باژێرڤانیان ل پارێزگهها دهۆكێ دیار كر كو جڤاتا وهزیران ئهو نڤیسارا فهرمی ئاراستهیی وهزارهتا باژێرڤانی و گهشوگوزارێ یا حوكمهتا ههرێمێ كریه كو كۆژمهكێ پارهی ههمبهری راكرنا گلێشی ژ وهلاتیان وهرگرن و گۆت: “ئهڤ بڕیاره دێ ئهڤ ساله كهڤیته د وارێ بجهئینانێ دا و رهنگه سێ ههتا پێنج هزار دیناران بۆ راكرنا گلێشی ژ ههر مالهكێ بهێته وهرگرتن”.
ناڤهاتی ئاماژه دا وێ چهندێ كو ل ههیاما بۆری بڕیارهكا ب ڤی رهنگی هاتبوو دان كو پاره ژ جهێن بازرگانی بهێته وهرگرتن و گۆت: “نوكه ئهم پارێ راكرنا گلێشی ژ ههموو جهێن بازرگانی وهردگرین”.
تُتاح هذه الصورة أيضا في: کوردی