باشۆرێ ئالییێ چهپێ یێ و چەندین جهێن گرنگ یێن مووسلێ هاتنە رزگارکرن
waar – دهۆک:
فهرماندارییا ئۆپهراسیۆنێن نهینهوا رزگاركرنا باشۆرێ ئالێ چهپێ یێ باژاڕێ مووسلێ ب تهمامی راگههاند و دیاركر، زانكۆیا مووسلێ ژی ب تهمامی هاته پاقژكرن.
بهری دهمهكێ كێم فهرماندارییا ئۆپهراسیۆنا قادیمون یا نهینهوا راگههاند؛ هێزێن ئیراقی ئهڤرۆ شیان تهڤاهییا تاخ و ناوچهیێن باشۆرێ ئالێ چهپێ یێ باژاڕێ مووسلێ ژ تیرۆرستێن داعشێ رزگار بكهن، ههروهسا هێزێن دژه تیرۆرێ ژی بارهگههێ زانكۆیا مووسلێ ب تهمامی پاقژكرن.
دژه تیرۆرا ئیراقێ د شهڕ و پهڤچوونێن دوهی دا، دهرگههێ زانكۆیا مووسلێ كونترۆل كربوو و ئالایێ ئیراقێ لێ هاتبوو بلند كرن.
شانهیا راگههاندنا جهنگی ژی ئهڤرۆ دیاركر، داعشێ سهرجهم پرێن سهر رووبارێ دیجلهی پهقاندینه كو ههردو ئالێن راست و چهپ یێن باژاڕی پێكڤه گرێدهن.
پێشڤهچوونا هێزێن ئیراقی دوهی ل رۆژههلاتا مووسلێ ب بهرفرههی دهستپێكر و شیان د 24 دهمژمێران دا، ههر یهك ژ تاخێن سهدرییه، فهیسهلییه، نهسر و پرا حهدیدی، ههروهسا كۆمهلگهها حكومی و ئالێ باكۆر ژ تاخێ حهدبا و هندهك ناوچهیێن دی دگهل بارهگههێ زانكۆیا مووسلێ رزگار بكهن.
تُتاح هذه الصورة أيضا في: کوردی