شێخان.. بەغدا هاریكاریێن ساخلەمیێ ب دروستاهی بۆ ئاواران دابین ناكت
باسنيۆز:
رێڤەبەرێ كەرتێ شێخان یێ ساخلەمیێ دیاركر هەولێن چارەسەری و پێشكنینێ بۆ ئاوارێن ژ مووسل دهێن، هاتنە چرتر كرن داكو نەخۆشێ بەلاڤ نەبن، 3840 زارۆك هاتنە ڤاكسێندان ژبەر مەترسیی نەخۆشیا سۆركا و ڤالنجا زارۆكان و 1416 كەسێن نەخۆش ژی هاتنە چارەسەركرن.
د. خەیری خدر، رێڤەبەرێ كەرتێ شێخان یێ ساخلەمیێ بۆ (باسنیوز) دیاركر: “هەر ئاوارەكێ ژ مووسل ل كەمپا نێرگزلیە، دهێتە پێشكنین كرن و چارەسەركرن. هەتا نۆكە چوو نەخۆشیێن ڤەگر دیارنەبووینە بتنی هندەك حالەتێن زكچوونی روودان ئەوژی زوو هاتنە كونترۆل كرن.مەترسی ل سەر ئاواران دروست نەبوویە، گەلەك ئاستەنگ دبوارێ كێمبوونا دەرمانان دروست دبن. حكومەتا عێراقی ژی دەرمانان دروست نادەت. حكومەتا عێراقی ب شیوەیەكێ دروست هاریكاریێن ساخلەمیێ ناگەهینتە ئاواران”.
خۆیا ژی كر: “بتنێ رێژا 30% بەغدا هاریكاریێن ساخلەمیێ بۆ ئاواران دكەت ب رێژا 70% حكومەتا هەرێما كوردستانێ هارێكاریێن ساخلەمیی پێشكیشی ئاوارێن شەری مووسل دكەت. ئەم داخوازێ دكەن لێ بەغدا دووڤ داخوازیا ساخلەمیێ ناهێت بۆ خزمەتكرنا ئاواران”.
تُتاح هذه الصورة أيضا في: کوردی