ئاهەنگەک بۆ زارۆکێن ئاوارە ل شاریا هاتە رێکخستن
تۆرا لالش يا راگههاندنێ
ژبۆ بتر خزمەتکرنا زارۆکێن ئاوارە ل شاریا و خستنا گرنژینێ ل سەر لێڤێن وان، ل رێکكەفتی 20/1/2017،سەنتەرێ ( پەناگەه ) یێ سەر ب رێکخراوا( EDEG ) ڤە ب هەماهەنگی دگەل بنگەهێ لالش تایێ شاریا،ئاهەنگەک بۆ زارۆکێن ئاوارە و يێن کۆمەلگەهێ ل هۆلا لالش ئێك رێكخست،كو ژچەندین تابلۆیێن هۆنەری و نمایشێن جۆراوجۆر پێکهاتبوو.
ب ئامادەبوونا چەندین نوونەرێن رێکخراوێن بیانی کو ژدەرڤەی وەلاتی هاتبوون و رێڤەبەر و ئەندامێن سەنتەرێ پەناگەه و خۆبەخشێن وێ و بهرپرس و ئەندامێن بنگەهێ لالش و رێڤەبەرا باخچێ زارۆکێن شاریا و خاتون “سوزان خودێدا”،رێ ورەسمێن ئاهەنگێ دەستپێکرن ب ڤەکرنا پێشانگەهەکە شێوەکاری کو ژلایێ زارۆکان هاتبوونە ئامادەکرن،.
ههروهسا پاشی چەند پەیڤەک ژلایێ بەرێز” زیرەک حهمید” رێڤەبەرێ پرۆگرامێن پەروەردەیی ل رێکخراوا ناڤبری و بەرێز ” دلدار حمید”ئەندامێ بنگەهێ لالش تایێ شاریا و نوونەرێن رێکخراوێن بیانی ڤه هاتنە خووندن.
لدووڤ دا چەندین برگێن جۆراوجۆر ژلایێ زارۆکێن پشکدارڤە هاتن نمایشکرن وەک ( ستران، هۆزان، شانۆ، سەما … ).
ل داويێ بنگەهێ لالش تایێ شاریا ژلایێ سەنتەرێ پەناگەه ڤه هاتە خەلاتکرن.
تُتاح هذه الصورة أيضا في: کوردی