لێكۆلینهكا زانستی: كاركرنا دگهل مهژی هشكان ئهگهرێ كوشتنا مرۆڤی یه
waar- دهۆک:
ل گۆری لێكۆلینهكا زانستی ههبوونا ههڤكارێن مهژی هشك د جهێ كاری دا، زیانا وێ وهكی زیانا كێشانا جگاره و خوارنێن پڕی دوهنه و ئهگهرێ كوشتنا مرۆڤی د دووڤ رایه.
لێكۆلهران ل ناڤهندا پزیشكی یا زانكۆیا لیندبێرگ یا سویدی لێكۆلینهك كر و دیار كر، كاركرنا رۆژانه دگهل كهسێن مهژی هشك، مهزنترین ئهگهره بۆ وێ یهكێ فشارا دهروونی یا مرۆڤی بلند بكهت و ببیته ئهگهرێ كوشتنا مرۆڤی، دكتورهكێ سهرپهرشتێ لێكۆلینێ دیاركر، تیما لێكۆلهران لێكۆلین ل سهر پێنجسهد نهخوهشێن تووشی جهلتێ بووین كرییه و دیاربوویه كو شێست و دو ژ سهدێ یا وان كهسان، ب ههمان ئهگهر جهلتێ لێداینه.
پشتی پرس ژ وێ رێژهیا شیست و دو ژ سهدێ یا نهخوهشان هاتییه كرن پرانییا وان گۆت كو ئهو كار د گهل هندهك كهسێن گهلهك مهژی هشك دكهن و گهلهك ژ وان ژی، 12 دهمژمێران پشتی شهرهدهڤێ د گهل ئێك ژ وان كهسان تووشی جهلتێ بووینه.
دكتۆر ئهندرسۆنی گۆت ژی: گهلهك كهس دشێن سهرهدهریێ د گهل كێشانا جگاران و رجیمكرنێ بكهن، لێ بۆ وان یا بزهحمهته سهرهدهرییێ د گهل كهسهكێ مهژی هشك دا بكهن، لهورا كولێن خوه دادكهن ههتا ل داوییێ دگههیته گۆپیتكێ و جهلته لێ ددهت.
تُتاح هذه الصورة أيضا في: کوردی