كلیپەكێ ل سەر دەردەسەریێن ئێزدیان تۆمار دكت
تۆرا لالش یا راگەهاندنێ
موزیكژەنێ ۆرگێ “سامی خزر” بەرنیاس ب”سیمۆ شنگالی”،نۆكە مژوولی تۆماركرنا كلیپەكێ یە بناڤێ (سەرێ چەند سال و زەمانە)،ناڤەرۆكا وێ ل سەر وان دەردەسەریێن ب سەرێ ئێزدیان هاتین ل چیایێ شنگالێ یە.
سیمۆ شنگالی،خەلكێ كۆمەلگەها (تل قەسەب)ە ل قەزا شنگالێ،پشتی رێكخراوا تیرۆرستیا داعش دەست ب سەر شنگالێ دا گرتی ئاوارەیی كەمپا كەبەرتوویێ دبت،بۆ رۆژناما دەنگێ لالش گۆت:”بەری كارەساتێ ل كۆمەلگەهێ من ستۆدیۆیەك هەبوو پشتی داعش دەست ب سەر شنگال دا گرتی هەتا نۆكە تشتەكی ژێ نوزانم ل سەر نینن،بتنێ من كاری ئامیرێ خۆ یێ موزیكێ ژوێ ستۆدیۆیێ من خلاسكر و بەری شەش هەیڤان ب هەڤكاریا هۆنەرمەند (حەمید قەیرانی) من ستۆدیۆیەك بناڤێ(ستۆدیۆیا سیمۆ) ل كەمپێ ڤەكر و گۆت:”نۆكە مژوولی تۆماركرنا كلیپەكێ مە بناڤێ (سەرێ چەند سال و زەمانە)،ناڤەرۆكا وێ ل سەر وان دەردەسەریێن ب سەرێ ئێزدیان هاتین ل چیایێ شنگالێ یە،ل قۆناغا تۆماركرنێ دایە و ژ پەیڤێن منە و ئاوازێن (سەعدون بەرەكاتە) و دێ بتە ئێكەم كلیپ دروست دكەم”.
دا زانین ل سالا 2010ێ ب هەڤكاریا موزیكژەن”شێخ ئیسماعیل ئادانی”فێری ئامیرێ موزیكێ ۆرگێ بووم و ژبلی ڤی ئامیرەیی تەمبورێ ژی دزانم،لێ ژبۆ كاری بتنێ ۆرگێ بكاردئینم و من دڤێت ل پاشەرۆژێ كەمانێ ژی بزانم.
.
تُتاح هذه الصورة أيضا في: کوردی