شاندەکێ بلندێ ئەلمانى دسەرەدانا خۆ دا بۆ کوردستانێ دگەل ئێزدی و مەسیحیا جڤیا
تۆرا لالش يا راگههاندنێ
ئيرۆ رۆژا پێنج شهمبوويێ ۲/۲/۲٠۱۷،ل هەولێرێ شاندەکێ بلند یێ وەلاتێ ئەلمانیا یێ پێکهاتی ژ بەرێز”گێرد مولر” وەزیرێ هەماهەنگی و گەشەپێدانا ئابوری یا حکومەتا ئەلمانی و خاتو “کلاودیا رۆپ” جێگرا سەرۆکێ پەرلەمانێ ئەلمانیا و بالیۆزێ ئەلمانیا ل عێراقێ و سەرۆکێ رێکخراوا (JIZ) و ستافێ دگەل وان دگەل کۆمەکا ئێزدی و مەسیحا جڤیان.
بەشداربویێن ئێزدی پێکهاتبوون ژ بەرێزان “شێخ شامۆ”و” نایف جاسۆ”و”د. مەمۆ”و” د. میرزا دنانی”و”خدر دوملی”.
دجڤینێ دا رەوشا پێکهاتێن ئاینی و نەتەوی ب گشتی و ب تایبەت رەوشا ئێزدیان پشتی رودانا کارەساتا شنگال و وێ زۆرداریا مەزنا ل ئێزدیا هاتی کرن و ئێکلا کرنا چارەنڤیسێ دەڤەرێن ئێزدیا پشتی رزگارکرنا وان ژ ئالیێ هێزێن پێشمەرگە و رزگارکرنا مووسل و كاودانێن كوردستان تێرا دەرباس دبە،رەوشا پەریشانا ئاوارا و گرتی و ئێخسیرێن دەستێ تیرۆرستێن داعش و چاوانیا ئاڤەدانکرنا دەڤەرێن ئێزدیا و كەیسا جینۆساید ناسکرنا کارەساتا ئێزدیا ل شنگالێ ژ مژارێن گرنگ یێن ڤێ هەڤدیتنێ بوون.
ل داویێ ژی ئامارێن تایبەت ب كارەساتا شنگال ژئالیێ “شێخ شامۆ”ڤه ب راپۆرتەک نڤیساندی رادەستی شاندێ مێڤان هاتنه کرن.
تُتاح هذه الصورة أيضا في: کوردی