نێزیكی 500 خێزانێن ئاوارە ل كۆمەلگەها خانكێ ژ هاریكارییان بێ بەهر دبن
تۆرا لالش یا راگەهاندنێ
ئەڤە پتر ژ دوو سالانە خیڤەتێن ئاواران ل كۆمەلگەها خانكێ یێن تێك چووین و كەڤن بووینە هەتا نۆكە ژئالیێ رێكخراوان ڤە نەهاتینە گهۆرین،دیسان ل ماوێ چەند هەیڤێن بۆری دا نێزیكی 500 خێزانێن ئاوارە هاتینە كۆمەلگەهێ و ژ ئاهێن خوارنێ و گازێ و هەر هاریكاریەكێ بێ بەهر دبن.
شڤان یونس،بەرپرسێ ئاوارەیان ل كۆمەلگەها خانكێ بۆ رۆژناما دەنگێ لالش دیاركر:”رەوشا ئاوارا چەند دچت خرابتر لێ دئێتن، ئەڤە پتر ژ دووسالانە د ناڤ ڤان خیڤەتان دا و نێزیكی هەزار خیڤەتان هەنە و گەرما و سەرما لێ ددەت،لەوما تێك چووینە و گەلەك كەڤن بووینە و مە چەندین جاران هەولدان كرینە دگەل رێكخراوا بەلێ ئێك ژی نە گهۆرینە وگۆت:”ڤەگوهاستنا ئاوارا یا بەردەوامە و هەیڤانە ژ دەڤەرێن دی دئێنە خانكێ و ئەم ڤەدگوهێزنە سەر ب لیستا مەڤە،ل ڤان چەند هەیڤێن بۆری نێزیكی 500 خێزانان هاتینە كۆمەلگەهێ و هەموو د بێ بەهرن ژ ئاهێن خوارنێ و گازێ و هەر هاریكاریەكێ،ژبەركو لیستێن كەڤن دئێنە بكارئینان و مە گۆتیە جهێن پەیوەندیدار گۆتنە مە بێژنە رێكخراوا (دەبلیو ئێف پی) و ئەم پێ ئاگەهداركرین ئەڤە بریارا رێكخراوێ یە دەبلیو ئێف پی یە،داخوازێ ژوان دكن دهاریكاربن دگەل ڤان ئاواران و پێداچوونەكێ دڤی بابەتی دا بك”.
یونس ئەو چەندە ژی دیاركر:”ل سەر هەرخێزانەكێ 200 لێترێن گازێ هاتینە دابەشكرن”.
تُتاح هذه الصورة أيضا في: کوردی