پارێزگەهێن باشوورێ عێراقێ هەڤخەمیا خۆ بۆ دۆزا ئێزدیان راگەهاند
تۆرا لالش یا راگەهاندنێ
دیدارا رەوشەنبیری یا ئێزدیان ل بەغدایێ كارەساتا ب سەرێ ئێزدیان هاتی ل شنگالێ دگەهینتە پارێزگەهێن باشوورێ عێراقێ،ئاماژێ ب وێ چەندێ دكت كو جەماوەرێ وان پارێزگەهان هەڤخەمیا خۆ بۆ دۆزێ راگەهاندن.
خلدون سالم،ئەندامێ دیدارا رەوشەنبیریا ئێزدیان ل بەغدایێ ب رۆژناما دەنگێ لالش راگەهاند:”پشتی كارەساتا ئێزدیان ل 3/8/2014ێ ل شنگالێ،دیدارا رەوشەنبیری هاتە دامەزراندن بۆ گەهاندنا كۆمكوژیێ بۆ بەغدایێ و پارێزگەهێن باشوورێ عێراقێ كو جەماوەرێ وان هەڤخەمیا خۆ لگەل دۆزەیا مە راگەهاندن،هەتا نۆكە شەش پێشانگەهێن وێنەیان یێن كارەساتێ و تاوانێن د دەرهەقێ ئێزدیان هاتینە ئەنجامدان دكیۆمێنت دكت و ئێك ژی ل باژێرێ الصویرە مە ئەنجامداینە،زێدەباری سەكنینێن هەڤگرتنێ و خۆپیشاندانان و چالاكیێن دیتر و ئەم سەربەخۆینە و نەگرێدایی هیچ لایەنەكێ سیاسی نە و چوو پشتەڤانیێ وەرناگرین”.
تەكەزكر مە دیدار دگەل گەلەك كەسایەتی و بەرپرسان كریە بۆ گەهاندنا دەنگێ ئێزدیان،ژوانا نوونەرێ ئەمیندارێ گشتی یێ نەتەوەیێن ئێكگرتی(یان كوبیتش) و نوونەرێ مەرجەعیەت(الشیخ عبدالمهدی الكربلائی) و چەند بەرپرسێن دیتر یێن عێراقی، دازانین ژی دیدارێ بەلاڤۆكەكا رۆژنامەڤانی ب ناڤێ(كاروبارێن ئێزدیا) ل بەغدایێ دەرێخستیە بۆ دانەنیاسینا ئاینێ ئێزدیان و ئەو كۆمكوژی و فەرمانێن تووشبوویێ.
تُتاح هذه الصورة أيضا في: کوردی