نیگاركێشی بۆ وێ هەناسا ژیانێ یە
تۆرا لالش یا راگەهاندنێ
نیگاركێش”ئەمیرە خەلەف سالح” خەلكا كۆمەلگەها خانەسۆرێ یە ل قەزا شنگالێ تەمەن 25سالە،دكورتە دیدارەكێ دا بۆ رۆژناما دەنگێ لالش دیاركر،نیگاركێشی بۆ من وەك هەناسا ژیانێ یە و پترییا تابلۆیێن من ل سەر كەتواری نە و ل سەر كارەساتا شنگالێ ژی كار هەینە،دخوازم خۆلێن فێركرنێ بۆ گەنجا بێنە ڤەكرن وگرنگی ب ڤان ئارەزۆیا بێتە دان.
هەروەسا نیگاركێشێ گۆت:”ژكچكاتی دە من حەژ نیگاركێشیێ دكر و هەر جار ل بێنڤەدانێت هاڤینێ وێنە چێدكرن هەكە دەم هەبا،بۆ من وەك هەناسا ژیانێ یە ودەربرینە ژهەست وهزرا یێن كو ب چاڤا نەئێنە دیتن،بەلێ دەمێ ئەڤ هزرنە دبنە نیگار ئانكو وێنەیی چ بەرامبەر پتر تێدگەهت،ئەز خۆ ب ئێك جۆری ڤە گرێنادەم لێ پترییا تابلۆیێن من ل سەر كەتواری نە،چنكو نۆكە یا ل قۆناغا دەستپێكیێ دامە و من ل هۆنەرێن جوان نەخووندیە و پشكداری دچ خۆلا دە نەكریە بتنێ نیگار ئارەزۆیەك بوو ل نك من،دیسان حەژ هەموو جۆران دكەم و من دڤێت فێربمە هەموویان ، نیگاركێشی دژیانا من دە گەلەك گرنگە،هەروەسا ل سەر كارەساتا شنگالێ من كار هەینە ب تایبەتی ل سەر زارۆكان و دخوازم خۆلێن فێركرنێ بۆ گەنجا بێنە ڤەكرن وگرنگی ب ڤان ئارەزۆیا بێتە دان”.
ل داویێ ژی گۆت:”ژبەر نەبوونا كەل و پەلێن پێتڤی دبمێ و ئاوارەبوونێ و ژیانا دخیڤەتێ دا تووشی بەربەستان دبم ل سەر كاركرنێ ل سەر ئارەزۆیا خۆ،هەروەسا من دڤێت پشكداریێ د پێشانگەها دە بكەم وخەونا منە پێشانگەه هەبن”.
.
تُتاح هذه الصورة أيضا في: کوردی