بزاڤێ دكت ئێش و ئازارێن كەسی نیشان بدەت
ئەڤرۆ:سالار فائز 
“مەیسر خەلەف” تێتە ناسكرن ب “مەیسر شنگالی” د دیدارەكا هۆنەریدا سەر ژیانا خۆ یا هۆنەری بۆ رۆژناما ئەڤرۆ ئاخڤی،مەیسر خەلكێ شنگالێ یە و ئێكە ژ شێوەكارێن ئێزدی مەیسر دبێژت:” ژ زارۆكینیا خۆ من حەزا هۆنەرێ شێوەكاری هەبوو،بەلێ چوو دەلیڤە من نەبوون بچم پەیمانگەها هۆنەرێن جوان یان ژی هەر ب كێماسی پێشانگەهەكێ ڤەكەم”.
سەبارەت پشتەڤانیێ گۆت:”بابێ من پشتەڤانێ من بوو هەردەم بزاڤ كریە ئالاڤێن وێنەكێشانێ بۆ من پەیدا كەت هەرچەندە شارەزایی نەبوو ل جیهانا تابلۆیا و ئەز هەتا مرنێ قەرزدارێ بابێ خۆمە،من گەلەك ئارمانج هەینە بەلێ یا سەرەكی كو ئێش و ئازارێن خۆ بگەهینم ڤێ جیهانێ برێكا وێ پارچەكا ڕەژووێ (خەلوزی) یا من هەی ل گەل هزر و شیانێن من، ئەز پتر بزاڤێ دكەم كو ئێش و ئازارێن كەسی نیشان بدەم ل تابلۆیێن خۆ بەلكی وژدانێ جیهانێ ژ خەو هشیاربت”.
ل داویێ گۆت:”ئەز كاردكەم سەر رێباز و خواندنگەها كەتواری (مدرسە الواقعیە ) هیڤیا من ئەوە كو ل پاشەرۆژێ پێشانگەهەكێ ل بەغدایێ ڤەكەم،داكو ئەو بەری هەر كەسی ژ خەو هشیاربن.”
تُتاح هذه الصورة أيضا في: کوردی