ئەرەبێن جیرانێن شنگالێ كارەسات ب سەرێ ئێزدیان ئینایە
تۆرا لالش یا راگەهاندنێ/كاروان باعەدری
هۆزێن ئەرەبێن نەینەوا ئاشكەرا دكن كو ب هەڤكاری دگەل حكوومەتا هەرێما كوردستانێ،وان كارینە چەندین كچ و ژنێن كوردێن ئێزدی یێن ل مووسلێ هاتینە گرتن رزگاربكن،دووپات ژی دكن هندەك ئەرەبێن جیرانێن ئێزدیان كارەسات ب سەرێ خەلكێ شنگالێ ئینایە،بریار هاتیە دان هەر كەسێ پشكدار و هەڤكار بووی دگەل تیرۆرستێن داعشێ ژ كوشتن و گرتن و سەبیكرنێ،دێ رووبرووی دادگەهێ كەین.
(مزاحم ئەلحۆیت)بەردەفكێ هۆزێن ئەرەبێن نەینەوا بۆ رۆژناما دەنگێ لالش خویاكر:”هۆزێن وان ب هەڤكاری دگەل حكومەتا هەرێما كوردستانێ،كارینە چەندین كچ و ژنێن كوردێن ئێزدی ئەوێن ل 3/8/2014ێ هاتبوونە گرتن ل مووسل و چەندین جهێن كو داعشێ ئەو گەهاندبوونێ رزگاربكن وگۆت:”شەرەفا ئێزدیان شەرەفا مە و هەموو شەریفەكی یە،ئەو كارەساتا ب سەرێ ئێزدیان هاتی ل شنگالێ كارەساتەكا هەری مەزن بوو،ئەم دزانین هندەك ئەرەبێن جیرانێن ئێزدیان یێن 100سالان بوون ئەو كار ب سەرێ وان ئینایی،مە وەك هۆزێن پارێزگەها نەینەوا بریار دایە هەر كەسێ پشكدار و هەڤكار بووی دگەل تیرۆرستێن داعشێ ژ كوشتن و گرتن و سەبیكرنێ،ئەم دهەژمێرین كو نە ئەرەبن و دێ یاسایێ ل سەر وان بجهئینین و رووبرووی دادگەهێ كەین”.
دكارەساتا ب سەرێ ئێزدیان هاتی ل شنگالێ دا،ب هەزارەهان وەلاتیێن بێ گونەهێن كوردێن ئێزدی ل سەر دەستێ رێكخراوا تیرۆرستیا داعشێ هاتنە كوشتن و گرتن و ئاوارەكرن.
تُتاح هذه الصورة أيضا في: کوردی