رۆژنامهیهكا رۆسی: رۆلێ پێشمەرگەی د رزگارکرنا مووسلێ دا گرنگە
WAAR – دهۆک:
پێشمەرگەی ژ دەستپێکا ئۆپەراسیۆنا مووسلێ رۆلەکێ بەرچاڤ د ژناڤبرنا داعشێ دا ھەیە و رۆژنامەیەکا رۆسی ژى رادگههینیت؛ پێشمەرگە ناهێلیت تیرۆرست بهرهف سووریا ب رهڤن.
رۆژنامەیا ئێزڤێستیا یا رۆسی د بابەتەکێ خوە دا بهلاڤ كرییه؛ پێشمەرگەی ئێک ژ گرنگترین رۆلان د ئۆپەراسیۆنا رزگارکرنا مووسلێ دا ھەیە، ھێزێن پێشمەرگەی زێدەباری گرتنا چەندین دەڤەران و ڤەکرنا رێ بۆ ھێزێن ئیراقی ل دەستپێکا ئۆپەراسیۆنا رزگارکرنا مووسلێ، رێگرییا دەرکەفتنا تیرۆرستان ژ دەڤەرێن دۆرپێچکری دکەن و ناھێلن ئەو بەر ب سووریا ڤە بڕەڤن.
ھاشم سیتەیی، فەرماندەیێ ھێزێن پێشمەرگەی دەربارەی بزاڤێن داعشێ بۆ رەڤینێ بۆ ئیزڤێستییا ئاشکرا کرییه؛ داعشێ بەری نھا چەندین جاران ب چەکین سڤک و گران ھێرش ژبۆ ڤەکرنا رێیێن رەڤینێ ل تەلەعفەر و بەعاج کرینە، لێ پێشمەرگەی ھەموو ھێرشێن وان شکاندینە.
پێشمەرگەی ل ھەڤدەی چریا ئێکێ یا سالا بۆری دەست ب ئۆپەراسیۆنا رزگارکرنا مووسلێ کربوو و پشتی بەرەیێن پێشیێ یێن تیرۆرستان شکاندین و د دەمەکێ کێم دا چەندین گوند و باژێڕ کۆنترۆل کرین، ھێزێن ئیراقی دەربازی ناڤا رۆژھەلاتێ مووسلێ ببوون.
تُتاح هذه الصورة أيضا في: کوردی