چاوابە سەرۆكایەتییا ترامپی دێ باشتربت ژیا ئۆبامای
خالد خدر 
سەرۆكێ نوو یێ وەلاتێن ئێكگرتیێن ئەمریكی ژ پارتا كۆماری (دونالد ترامپ ) ، سووندا دستووری خوار د رێورەسمەكی ژ هەژی دا ل گۆرەپانا (ناشینال مۆڵ) ب ئامادەبوونا ب سەدێن هەزارا ژ وەلاتیێن ئەمریكی ، ئاهەنگا رێ و رەسمێن سووند خوارنا ترامپی ب رێڤەچوو ، ئەو گەهشتە كۆچكا سپی و سەرۆكێ بەرێ (باراك ئۆباما ) ژ كۆچكێ باركر ، وبەری وی جێگرێ سەرۆكی (مایك بینس ) سووندا یاسایی خوار ، و پشتی بەرێز ترامپی دگەل هەڤژینا خۆ نڤێژ كری ل كەنیسا (سان جۆن ) ، ل ئاڤاهیێ كۆنگرێسی سووندا دەستووری خوار و بوو سەرۆكێ نوویێ ئەمریكا ب شێوەكێ فەرمی ، پشتی ترامپ هاتیە هەلبژارتن بۆ سەرۆكاتیا ئەمریكا جیهان هەموو چاڤەرێ وی نە كا دێ چ كت ؟ ، دچارچووڤێ رێ ورەسمێن سووند خوارنا خۆدا بەرێز ترامپی گۆتارەكا گرنگ پێشكێشكر بۆ جیهانێ ، و د گۆتارا خۆدا وی دووپات كر كو دێ گرنگیێ دەتە جهیانەكا شارستانی و دێ تیرۆرێ ژ رەهوریشال ڤە هلقینت وناهێلت ، وهەروەسا ئەو دێ هەڤپەیمانێن كەڤن خۆرتر لێكەت و ودێ هندەكێن نوو ژی چێكەتە ڤە و گۆت ئەو دێ رەوشا ئەمریكا بەرەف باشتر لێكەت و دێ دگەل فلادیمیر پۆتینی كاركەت.
بەری نۆكە ژی ترامپی گەلەك داخویانی دابوون ، كو پتریا وان د ئاگری بوون ،و دتوون ودژوار بوون ، ب تایبەتی دەربارەیی كۆچكرنێ و كۆچبەرا و گۆتبوو ئەز دێ دەه ملیۆن كۆچبەرا دەرێخم ژ ئەمریكا ، ئەڤان داخویانیێن وی گەلەك كارڤەدان لپێ خۆ ئانی بوون ب تایبەتی ژلایێ هەڤرك و نەحەزێن وی ڤە ، و بەرێز (دۆنالد ترامپی) ل ڤێ داویێ ژی هندەك داخویانیێن دی دا بوون ، ژوان ژی دروست كرنا دیوارەكی دناڤبەرا ئەمریكا و مەكسیك دا وەك رێگرتن ل همبەر هاتنا كۆچبەرا بۆ ناڤ ئاخا ئەمریكا ب رێیا مەكسیك ئەڤێ چەندێ ژی كارڤەدانێن خۆ هە بوون ژ لایێ وەلاتێ ناڤهاتی ڤە و فەرمانەك دەرێخستیە دەربارەی نەدانا ڤیزێ بۆ وەلاتیێن (7)وەلاتێن ئیسلامی ب سەدەما هەبوونا تیرۆری دناڤ وان وەلاتان دا ئەوژی ئەڤەنە (عێراق ،ئیران،سووریا،لیبیا ،سوودان،صۆمال،یەمەن )، هەروەسا دێ دەست ژ هاریكاریا بەرگریێ بەردەت دەربارەیی هندەك وەلاتێن ئەوروپی ، كو بارەكی گرانێ دارایی وئابووری ئێخستینە سەر ئەمریكا.
هەروەسا دەربارەی هەڤركییا ئیسرائیل و ئەرەبان ژی بەریا نۆكە گۆتی یە ئەو دێ بالیۆزخانا خۆ ژ باژێرێ تل ئەبیب ڤەگوهێزنە باژێرێ قودسێ ، بێ گومان ئەڤێ چەندێ ژی وەلاتێن ئەرەبی دلگران كرن و رەخنە ل سیاسەتا ترامپی گرتن و دهەمان دەمدا ئەوان هەست ب نە ئارامیێ ومەترسیێ كرینە ژبەر داخویانیێن ترامپی یێن كو باسێ تیرۆرێ و تیرۆرستان دكت و هەر جه ولایەنەكی پالپشتی و پشتەڤانیا وان دكت ، هەژی یە بێژین سەرۆكێ ئەمریكا یێ نوو بوویە بابەتەكی رۆژانە بۆ شرۆڤەكار وسیاستمەدارێن ئەرەبان ، كو ب هشیاری و زۆر نازكی بەرێ خۆ ددەنە لڤین و داخویانیێن وی ، وبۆ وان وەك سندۆقەكا نەهێنییان لێهاتی یە و ئەو نكارن ژمارا نهێنی یا ڤێ سندۆقێ لسەر راكەن و ڤەكەن ، ل رۆژیێن بهێت دێ گەلەك ژ وان نەهێنییان بۆ مە و بۆ هەموویان دیاربن ، چاوابە سەرۆكایەتییا ترامپی دێ باشتربت ژ یا ئۆبامای ئەڤە ژی ب بۆچوونا گەلەك شرۆڤەكار وچاڤدێرێن سیاسی یە.
تُتاح هذه الصورة أيضا في: کوردی