خانكێ:وەك پێتڤی چاڤدان ل ئێتیمێن ئاوارە نەهاتیە كرن
تۆرا لالش یا راگەهاندنێ
بنگەهێ لالش ل خانكێ ئاشكەراكر كو نێزیكی 350ئێتیمێن ئاوارە ل كۆمەلگەهێ ئاكنجینە،وەكو ئاستێ پێتڤی چاڤدانا وان نەهاتیە كرن،پەیامەكێ ئاراستەی دەزگەه و رێكخراوان دكت هاریكاریا خەلكێ هەژار و ئێتیم بكن.
عەنتەر كەلۆ،سەرۆكێ بنگەهێ لالش تایێ خانكێ بۆ رۆژناما دەنگێ لالش خویاكر:”نێزیكی 350 ئیتمێن ئاوارە ل خانكێ هەینە،وەكو ل ئاستێ پێتڤی چاڤدانا وان نەهاتیە كرن،داخوازێ ژ جهێن بەرپرسیار دكەین خۆ ل رەوشا وان بكن خودان،بەلێ هوسا مەزن نەبن چنكو هەر كەس و كارێن وان چاڤێ خۆ د دەنێ و پێتڤی یە تشتەك بۆ وان بێتە كرن، ئەم پەیاما خۆ دگەهیننە دەزگەه و رێكخراوا هاریكاریا خەلكێ هەژار و ئێتیم بكن وەك بنگەه ژی هاریكارییان پێشكێشی وان دكەین،هەروەسا ئاوارێن ل خانكێ بنگەهێ لالش وەك دەرگەهەكێ سەرەكێ بۆ خۆ دیتینە و ئەم بكارن ل دووڤ شیانێن خۆ پەیاما وان بگەهیننە جهێن بلند”.
عەنتەر دا زانین ژی دڤان دوو سالێن بۆریدا هەموو چالاكی و كارێ مە بۆ ئاوارەیێن شنگال هاتبوو تەرخانكرن،ژبەركو كەفتنە درەوشەكا سەخت دا و پتر پێتڤی هاریكاری و خزمەتێ نە.
تُتاح هذه الصورة أيضا في: کوردی