بارزانی: بۆ پرسا ریفراندۆمێ مۆلەتێ ژ چو کەسەکی وەرناگرین
WAAR – دهۆک:
سەرۆکێ ھەرێما کوردستانێ راگەھاند؛ بۆ پرسا ریفراندۆمێ مۆلەتێ ژ کەسێ وەرناگرین و مافێ چارەنڤیساز ژی مافێ سروشتی یێ خەلکێ کوردستانێ یە.
مەسعوود بارزانی د یدارەکێ دا دگەل رۆژنامەیا فرانکفۆرتهر یا ئەلمانی گۆت: سەرخوەبوونا کوردستانێ پرسەکە گرێدایی ھەرێم و بەغدایێ یە و چو پەیوەندیی ب ئیرانێ و تورکیا ڤە نینە، دوپات ژی کر ئەنجامدانا ریفراندۆمێ ل دژی پرەنسیپێن دیموکراسییێ نینە و بۆ ڤێ یەکێ ژی مۆلەتێ ژ کەسێ وەرناگرن.
سەرۆکێ ھەرێما کوردستانێ دیارکر؛ سەردەمێ حکومەتا ناڤەندییا ئیراقێ ب سەرڤە چوویە و نھا دەمێ دیارکرنا چارەنڤیسێ گەلێ کوردە.
سەبارەت پرسا ئاشتییێ ل تورکیا ژی، بارزانی ئاماژەکر کو ئەردۆگان ژ ھەموو سیاسەتمەدارێن تورکیا وێرهكتر بوویە و گۆت: بۆ چەسپاندنا ئاشتییێ ل تورکیا ئازادکرنا سەلاحەددین دەمیرتاش و ھەڤالێن وی گەلەکا گرنگە.
تُتاح هذه الصورة أيضا في: کوردی