داخوازا پشتەڤانیا مادی بۆ هەلبەستڤانێن شنگالێ دكت
تۆرا لالش راگەهاندنێ
هەلبەستڤانێ شنگالێ”ئەحمەد خالتی” خودان 22 هەلبەستە و نۆكە مژوولی تۆماركرنا ئێكا دییە بناڤێ(زەنگا فەرمانێ)لێدا،ناڤەرۆكا وێ ل سەر كارەساتا شنگالێ یە،داخوازێ دكت ژی كو ژلایێ مادی ڤە پشتەڤانیا هەلبەستڤانێن شنگال بێتەكرن،داكو بكارن هەلبەستێن خۆ بكەنە كلیپ و پەرتۆك.
لدۆر دەستپێكا خۆ یا نڤیسنێ هەلبەستڤان”ئەحمەد خالتی”،بۆ رۆژناما دەنگێ لالش گۆت:”ل سالا2009ێ من دەست ب ڤەهاندنا هۆزانێ كریە و ئێكەم هۆزان من نڤیسی بناڤێ(رۆندكەك ژ غەریبێ) بوو ناڤەرۆكا وێ ل سەر غەریبیا وەلاتی یە،تنێ ل سەر شێوازێ قۆناغا ئازاد و ب زارێ (سۆرانی و بادینی) هەلبەستێ دنڤیسم و هۆزانێن من لسەر (ئەڤینی،وەلات،رەخنەیی،غەریبی،سیاسی)نە و ب هەلبەستێ ئەز ئێش و ئازارێن مللەتێ خۆ دیاردكەم بۆ مرۆڤایەتیێ و هەلبەست بوویە ئەگەر ئەز غەم و ژانێن خۆ ب رێیا هەلبەستێ ژ لەشێ خۆ ب دەرێخم. ،و نها ژی مژوولی تۆماركرنا یەكا دی مە بناڤێ(زەنگا فەرمانێ)لێدا ناڤەرۆكا وێ لسەر كارەساتا شنگالێ یە یا ژلایێ توندروەیێن(داعش)هاتیە ئەنجامدان لرێكەفتی(3/8/2014) .
تُتاح هذه الصورة أيضا في: کوردی