پتریا خیڤەتێن ل كەمپا باجدكەندالا دئێنە سۆتن ژ خەمسارییا ئاوارەیانە
تۆرا لالش یا راگەهاندنێ
ب سەدەمێ هەلكرنا سۆپێن گازێ بۆ ماوەیەكێ درێژ و نەگهۆرینا وایرێن كارەبێ و خەمساریێ ژ ئالیێ ئاوارەیان ڤە، هەیڤانە حالەتێن سۆتنا خیڤەتان ل كەمپان باجد كەندالا پەیدا دبن،داخواز ژ رێكخراوا دئێتە كرن ب ئەنجامدانا هەوەكا گشتی رابن بۆ پێگەهاندنا خەلكێ.
میعاد،رێڤەبەرێ كەمپا باجدكەندالابۆ رۆژناما دەنگێ لالش دیاركر:”هەیڤانە حالەتێن سۆتنێ یێن وەكی ئێك ل كەمپێ پەیدادبن وڤێ چەندێ گەلەك ئەگەر هەینە و پتریا خیڤەتێن دئێنە سۆتن ژ خەمسارییا خودانێن وان بخۆیە،ئەو ژی سۆپێن گازێ بۆ ماوەیەكێ درێژ هلكری دهێلن و وایرێ كارەبێ پێتڤیە شەش هەیڤا جارەكێ بێتە گوهارتن و هندەك خیڤەت هەینە ئەڤە دوو سالە نەهاتینە گهۆرین،لەوا ل دۆر ڤێ چەندێ دڤێت رێكخراو ب هەوەكا گشتی رابن بۆ پێگەهاندنا خەلكێ و دڤێت ئەو كەسێن دخیڤەتێ دا وەكی مالا خۆ ب هژمێرن”.
هەروەسا ئاوارێن كەمپێ ئاماژێ ب وێ چەندێ ددەن كو پێتڤیە رێكخراو وایرێن كارەبێ یێن خیڤەتان سەخبێربكن،دا چ روودانێن سۆتنێ پەیدا نەبن و گیانێ خەلكێ یێ پاراستی بت.
تُتاح هذه الصورة أيضا في: کوردی