“پێتڤیە شنگال ببتە پارێزگەها پێنجێ ل هەرێما كوردستانێ”
تۆرا لالش یا راگەهاندنێ
ئەندامەكێ دەستەیا سەرۆكاتیا پارتا زەحمەتكێشا كوردستانێ دیاركر:”پێتڤیە دەڤەرا شنگالێ لگەل دەوروبەرێن وێ ببتە پارێزگەه و ب پێنجەم پارێزگەها هەرێمێ بێتە دانان”.
بەلێن عەبدوللا،بۆ رۆژناما دەنگێ لالش دیاركر:”پێتڤیە حكوومەتا هەرێما كوردستانێ سەرەرای ئەو قەیرانا ئابووری یا دژوار ڤەگرتی،بەلێ پێتڤیە تایبەتمەندیا شنگال و نەهامەتیێن هاتینە سەری ل بەرچاڤ بگرت و دهەموو بواران دا گرنگیەكا زێدە بدەتێ،دبینن شنگال لگەل دەوروبەرێن وێ ببتە پارێزگەه و ب پێنجەم پارێزگەها هەرێمێ بێتە دانان و گۆت:”ماددەیێ ١٤٠ بەندەكێ سەرەكیێ دەستوورێ عێراقێ یە، حكوومەتا ناڤەند ب چەندین شێوان خۆ ژ جێبەجێكرنا وی ڤەدزییە و چەندین ئاریشە چێكرن و نەڤیا بجێهبینت، بەلێ نۆكە ب خوونا پێشمەرگەیێ قارەمان ئەڤ دەڤەرنە هاتنە پاقژكرن ژ تیرۆرستێن داعشێ بێ جێوازی ژ هەموو پێكهاتا و بریارا سیاسی ل هەرێمێ ئەوە كو پێشمەرگە ژ ڤان دەڤەران نەئێتە دەرێ،ئەوژی ژ سنوورێ كەركووك و جەلەولا و دەوروبەرێن مووسل و شنگالێ و چارەنڤیسێ وان نا ئێختە بەر مەترسیێ و ب رێیێن راپرسیێ و ئەو دێ بریارێ ل سەر چارەنڤیسێ خۆدەن”.
تُتاح هذه الصورة أيضا في: کوردی