نێچیرڤان بارزانی دگهل جڤاتا رۆحانی یا ئێزدییان كۆمبوو
ًWAAR-دهۆك:
سهرۆكێ حكومهتا ههرێما كوردستانێ، ل پارێزگهها دهۆكێ، دگهل جڤاتا رۆحانی یا ئێزدییان كۆمبوو، ل گۆری زانیارییان، جڤاتا رۆحانی كێشهیا پهكهكێ ل شنگالێ، خستیه ههمبهری سهرۆكێ حكومهتێ.
د چارۆچووڤێ سهرهدانا خوهیا پارێزگهها دهۆكێ دا، ئهڤرۆ نێچیرڤان بارزانی دگهل جڤاتا رۆحانی یا ئێزدییان و ههژمارهیهكا كهسایهتیێن دیارێن ئێزدی كۆمبوو و باس ل چارهنڤیسێ دهڤهرێن ئێزدییان و ئاڤهدانكرنا وان و رزگاركرنا كچ و ژنێن د دهست داعشێ دا ماین و رهوشا دهڤهرێ كرن.
ههرچهند كۆمبوونا سهرۆكێ حكومهتێ و جڤاتا رۆحانی یا ئێزدییان، دوور ژ راگههاندنێ هاته كرن، لێ ئاژانسا ئهنادول بهلاڤكرییه كو جڤاتا رۆحانی یا ئێزدییان، كێشهیا بهلاڤبوونا پهكهكێ ل شنگال و دهڤهرێن دهردوورا وێ، خستییه ههمبهری سهرۆكێ حكومهتێ.
تُتاح هذه الصورة أيضا في: کوردی