مهكتهبا سیاسی یا پارتی: پهكهكه ل دژی ههمی بها و درووشمێن كوردستان و سهربخوه خوازیێ یه
WAAR – دهۆک:
مهكتهبا سیاسی یا پارتی راگههاندنهك ل سهر بوویهرێن ڤێ داویێ یێن پهكهكێ ل رۆژئاڤایێ كوردستانێ بهلاڤ كر و تێدا دیار كر: پهكهكێ رێككهفتنێن نهێنی د گهل ههوالگیریێن رژێمێن دهڤهرێ دا ههنه و بوویه هێزا دهست وان رژێمان.
د پهیاما مهكتهبا سیاسی یا پارتی دا هاتییه: پهكهكێ دهست د گهل وان ههمی پرۆژهیێن ئقلیمی دا تێكهل كرییه یێن رێ ل گههشتنا هیڤی و خهباتا نهتهوهیی و نشتیمانی یا كوردان دگرن و بوویه هێزا دهست وان و پلانان و رێككهفتنێن نهێنی د گهل ههوالگیریێن رژێمێن دهڤهرێ دا ههیه و خوه كرییه پشكهك ژ پلانێن ئقلیمی یێن ئهنجامێن وان نهدیار.
ئاشكهرا ژی كرییه: پهكهكه ل رۆژئاڤایێ كوردستانێ دكتاتۆرانه سهرهدهرییێ دكهت و ب زۆری و هێزا چهكی خوه سهپاندیه، ههمی حزب و رێكخستنێن سیاسی ئێخستینه بن تیرۆرا فكری و سیاسی و زیندانێن خوه ژ ئالیگر و ئهندامێن وان پارتان پڕ كرینه، ههروهسا بێ چ بههانه ب سهر بارهگههێن وان دا دگریت و دسۆژیت و تالان دكهت، لهورا پارتییا دیمۆكرات یا كوردستانێ ئهوان رهفتاران شهرمهزار دكهت.
مهكتهبا سیاسی یا پارتی د پهیاما خوه دا راگههاندییه ژی: ئهو رهفتارێن پهكهكه ب ناڤێ پهیهدێ ل رۆژئاڤایێ کوردستانێ دكهت، مهرهم ژێ قورخكرنا سیاسهت و ههموو شێوازێن چالاكیێن مهدهنی و سیاسییه، دیسان دژایهتیكرنا خهباتا چهندین سالان یا گهلێ كورده ژ بۆ بدهستخستنا مافێن خوه یێن رهوا.
ئاماژه ب وێ یهكێ ژی كرییه: پهكهكه ب ناڤێ پهیهدێ بلندكرنا ئالایێ كوردستانێ ب سووچ د ههژمێریت و ئهندامێن ههر حزبهكا دی ژ بلی خوه، سووچبار ل قهلهم ددهت، ب فكر و رهفتار ل دژی ههمی بهها و درووشمێن كوردستان و سهرخوهبوونخوازیێ یه.
تُتاح هذه الصورة أيضا في: کوردی