ڤهكۆلينهك:دبت بە عەتر بەرههنگاری هندهك شێرپەنجە ببين
رووداو-سلێمانی
توێژینەوەیەکی نوێ دەڵێ پەیوەندی هەیە لەنێوان بەکارهێنانی هەندێک جۆری عەتر و هێواشبوونەوەی گەشەی هەندێک جۆری شێرپەنجە لە جەستەدا.
توێژینەوەیەکی نوێی زانکۆی (بوخوم)ی ئەڵمانی کە لە جۆرناڵی زانستیی (پڵۆس وەن) بڵاوبووەتەوە و ئاژانسی دۆیچەڤیللەی ئەڵمانی ئاماژەیپێکردووە، دەڵێ دەرکەوتووە هەندێک بۆنی تایبەت دەبنەهۆی هێواشکردنەوەی گەشەی هەندێک خانەی شێرپەنجەیی بەتایبەت لە ریخۆڵە ئەستوورە و رێکەی مرۆڤدا.
هەردوو توێژەر هانز هابیل و لیا فیبێر لە زانکۆ ئەڵمانییەکەوە بە جۆرناڵی (پڵۆس وەن) یان گوتووە گوڵی خەنە یەکێکە لەو گوڵانەی بۆنەکەی دژەشێرپەنجەیە، گوتووشیانە دۆزینەوە نوێیەکەیان ئاسۆیەکی نوێ دەکاتەوە بەڕووی چارەسەری شێرپەنجەدا.
شێرپەنجەی کۆڵۆن و رێکە لە شێرپەنجە بەربڵاوەکانن و ساڵانە لەسەر ئاستی جیهان ملیۆنێک کەس تووشیان دەبن و 715 هەزار کەسیش بەهۆیانەوە دەمرن. بەپێی ئامارە جیهانییەکانی ساڵی 2012 شێرپەنجەی کۆڵۆن و رێکە دووەم شێرپەنجەی هەرەبڵاون لە خانمان و سێیەمیشن لە پیاواندا.
توێژەرەکان دوای ئەنجامدانی زنجیرەیەک تاقیکردنەوە لەسەر مشکی تاقیگە بۆیان دەرکەوت لە کۆتایی خانە شێرپەنجەییەکاندا وەرگری بۆن هەن و هەندێک بۆن هەن لەمپەر دەخەنە بەردەم گەشەی ئەو خانانە، بە تایبەت بۆنی لیمۆ و گوڵی خەنە، چونکە رەگەزی دژە شێرپەنجەیان تێدایە.
توێژەرەکان بە کردەیی هەندێک خانەی شێرپەنجەییان رووبەڕووکرد لەگەڵ بۆنی هەریەکە لە ماددە ئەسیرییەکان و پاشان بۆنی گوڵەخەنە، لەباری یەکەمدا گەشەی خانەکان وەک خۆیان بەردەوامبوون و لەباری گوڵەخەنەشدا لەمپەر کەوتە بەردەم گەشەیان.
توێژەرەکان گوتوویانە دۆزینەوەکەی ئێستا گرنگە، بەڵام پێویستی بە بەدواداچوونی زۆرتر هەیە لەڕووی کلینیکییەوە (لێکۆڵینەوە لەباری تەندروستی کەسانی تووشبووی شێرپەنجە).
تُتاح هذه الصورة أيضا في: کوردی