سات هەشت و نیڤی شەڤ دێ رۆناھی ل 7 ھزار باژێڕێن جیھانێ ھێتە ڤەمراندن
WAAR-دهۆك:
ل سەد و حەفتێ و دو وەلاتێن جیھانێ و ھەرێما کوردستانێ ژی وەک گاڤەک بۆ پاراستنا سەقایێ جیھانێ ل سات ھەشت و نیڤی شەڤ بۆ دەمێ دەمژمێرەکێ دێ رۆناھی ھێنە ڤەمراندن.
ئاژانسا رۆیتەرز ئاشکرا کر؛ دەمژمێرا ئەردی ئەڤرۆ ل سەد و حەفتێ و دو ولاتێن جیھانێ و ل پتر ژ حەفت ھزار باژێڕان، دێ ھێتە ساخکرن و د وێ دەمژمێرێ دا، بۆ دەمێ ساتەکێ رۆناھی وەک گاڤەک بۆ زێدەکرنا ھشیارییێ دەربارەی پاراستنا ژینگەھێ دوانە ئۆکسیدێ کاربۆنی و زێدەکرنا ھشیارییێ ل سەر پاراستنا ژینگەھێ دێ ھێنە ڤەمراندن.
ئاسۆ شکاک، سەرۆکێ رێژکخستنا ئاڤیار یا جڤاکێ سڤیل ئەڤرۆ د گەشتا نووچەێن وار دا گۆت: ل ھەرێما کوردستانێ، ل پارکا شانەدەر یا ھەولێرێ ژی دەمژمێرا پاراستنا ئەردی دێ ھێتە ساخکرن.
دەمژمێرا پاراستنا ئەردی دێ ل چەندین جھێن ناڤدارێن جیھانێ ھێتە کرن و ل ھۆلا ئۆپێرا یا سیدنی ل ئوسترالیا، بورج خەلیفە ل دوبەی، بیگ بێن ل لەندەن، مزگەفتا شین یا ستەنبۆلێ، ھەروەسا بورج ئیڤل ل پاریس و کرملن ل مۆسکۆ و چەندین بالەخانەیێن و جھێن ناسیار یێن جیھانێ رۆناھی دێ ھێنە ڤەمراندن.
دەمژمێرا پاراستنا ئەردی ل سالا دوھزار و حەفتێ ل ئوسترالیا ئێکەم جار ھاتییە کرن و ژ وی دەمی تا نھا، سالانە ل بیست و پێنجی مەھا ئادارێ ل سات ھەشت و نیڤی شەڤێ دھێتە کرن.
تُتاح هذه الصورة أيضا في: کوردی