ژڤانێ خانەنشینێن ناڤێ خوە ل بایۆمەتری تۆمار نەکرین هاته دانان
WAAR-دهۆك:
وەزارەتا دارایى و ئابوورى یا حکومەتا هەرێمێ، وان خانەنشینان هایدار دکەت یێن هەتا نها ناڤێ خوە ل سیستەمێ بایۆمەترى تۆمار نەکرین سەرەدانا رێڤەبەریێن خانەنشینان بکەن.
وەزارەتا دارایى و ئابوورى یا حکومەتا هەرێمێ کوردستانێ ئه‌ڤرۆ ئاگەهداریەک بەلاڤ کرییە و تێدا هاتیە، پێدڤییه ئه‌و خانەنشینێن هەتا نها خوە ل سیستەمێ بایۆمەترى تۆمار نەکرین، ل بیست و شه‌شێ ڤێ هه‌یڤێ هه‌تا رۆژا چواری نیسانا بهێت سەرەدانا رێڤەبەریێن خانەنشینان بکەن.
خوەیا ژی كرییه، ئارمانج ژ سەرەدانێ وەرگرتنا فۆرما (بایۆمەترى) و خوە تۆمارکرنێ یە د وى سیستەمى دا.
هەروەسا تێدا هاتییه، پێدڤییە ئەو خانەنشینێن هەتا نها خوە ل سیستەمێ بایۆمەترى تۆمار نەکرین ناسناما بارێ شارستانییا وانان یا (فسفۆری) بیت یان ژى کارتا نیشتیمانى هەبیت.
تُتاح هذه الصورة أيضا في: کوردی