“شێخ شامۆ”پێشوازی ل د.قادر سەلیم كر و پیرۆزباهییا وی كر بۆ ب دەستڤەئینانا باوەرناما دكتۆرایێ
تۆرا لالش یا راگەهادنێ
ئیرۆ 28ئادارا2017ێ،بەرێز”شێخ شامۆ”سەرۆكێ دەستەیا بلندا بنگەهێ لالش پێشوازی ل د.”قادر سەلیم” كر و پێرۆزباهییا وی كر بۆ ب دەستڤەئینانا باوەرناما دكتۆرایێ.
ژبال خۆڤە د.”قادر سەلیم”سوپاسیا ڤێ بخێر ئانینێ كر،دڤێ هەڤدیتنا دناڤبەرا هەردوو ئالیان دا دكتۆری ناڤەرۆكا ناما خۆ(خەلكێ خەباتێ دكن ژبۆ مانێ:ئێزدی ل عێراقێ:دناڤبەرا وەلاتی بوونێ و سیاسەتا پشتگوهاڤێتنێ 1958_2005) رۆنكر و دیاركر كو بەشەكێ ناما خۆ دا بەحسێ گرنگی و خەباتا بنگەهێ لالش كریە.
ژئالیەكێ دیڤە شێخی ئاماژە دا وێ چەندێ كو ڤان نامان گرنگیەكا دیرۆكی هەیە ب تایبەتی ل ئەوروپا،ژبەركو ئێزدی پێتڤی ب ناساندنەكا پترە ژ ئالیێ ئەكادیمی ڤە،هەروەسا پشتەڤانیا خۆ بۆ چاپكرنا نامێ دیاركر پشتی دئێتە وەرگێران بۆ زمانێ كوردی یان ئەرەبی.
بۆ زانین د.”قادر سەلیم”ئەندامێ دەستەیا بلندا بنگەهێ لالش بوو ل هەردوو كۆنگرێن بۆری دا.
تُتاح هذه الصورة أيضا في: کوردی