بەری بگەھیە نوشداری چ پێدڤیە بکەی؟
ئەڤرۆ نيوز:
• ھەکە نیشانێن نەخۆشیا شقەسەرێ ل تە دیاربوون، سێ حەبێن ئەسپرین ژ جورێ ئەفرفسنت ل گەل ئاڤێ داعوورە، ئەڤ جورێ ئەسپرینی کاریگەرترین دەرمانە ژبەرکو ھەتا ئەسپرینێ کو دھێتە حەلاندن دبیت ھێدیانە بھێتە مێتن و چ کاریگەری دیارنەبیت، پشتی خوارنێ خو ل سەر پشتا خۆ درێژ بکە.
• ئێشانا ددانی، ھەکە گەلەک یا ب ئێشان و بەردەوام بوو پێدڤیە سەرەدانا نوشدارێ ددانان بکەی، ئەو ددانێ خۆ دقوتیت ژبەر ئێشانێ رەنگە ژبەر ھەودانێ بیت و ل وێرێ پێدڤی ب چارەسەریا پزیشکی ھەیە و بۆ کێمکرنا ئێشانێ تە پێدڤی ب دەرمانێن ئێشکێمکرنێ و دانانا کەمادەیان ل سەر ئالەکا خۆ ھەیە یانژی ھندەک چپکێن زەیتا قەرنەفلێ بدانە ل سەر ددانێ دئێشيت.
• دلرابوون: ھاریکاریا نەخۆشی بکە خۆ ب رێکەکا ئارام وەرگێریت و پشتی دلرابوونێ دەڤێ وی باش ب ئاڤا تەزی بشوو و ھەکە پتر ژ دو دەمژمێران ڤەکێشا ببنە لایێ نوشدارەکێ تایبەتمەند. ھشیاربە ھەکە زارۆ بیت کو تووشی ھشکبوونێ نەبیت و ھەکە دلرابوون یا رەش بو یان خوین ل گەلدابوو ئەڤە نیشانا ھەبوونا خوین بەربوونێ یە د گەدەی دا و بێی گیروبوون نەخۆشی ببە لایێ نوشدارەکێ تایبەتمەند.
• ئێشانێن زکی: ھەکە نەخۆشی بێھنا خۆ ڤەدا دێ ئارام بیت و بلا دەرمانێن ھەرسکرنا خوارنێ بخۆت، بەلێ ھەکە ئێشان گەلەک یا دژوار بو باشترە نەخۆش ب روونیتە خوارێ و ئێشانێ رەخێ خوارێ ژ زکی گەلەک ب مەترسیترە ژ گەدەی و ھەکە ئێشان بۆ دەمێ دەمژمێرەکێ و پتر بەردەوام بو بێی گیروبوون قەستا نوشداری یان نەخۆشخانێ بکە.
تُتاح هذه الصورة أيضا في: کوردی