سهرۆكۆمارێ ئیراقێ داخواز ژ حكومهتا فیدرال كر ماددهیێ 140 بجهـ بینیت
WAAR-دهۆك:
سهرۆككۆمارێ ئیراقێ داخواز ژ حكومهتا فیدرال كر، دهست ب بجهئینانا ماددهیێ سهد و چل بكهت و هیڤی ژی خواست، ههموو ئالی پابهندی بنهمایێن دستوورێ ئیراقێ بن.
فوئاد مهعسووم سهرۆكۆمارێ ئیراقێ، راگههاندنهك ل دۆر بلندكرنا ئالا كوردستانێ و روودانێن كهركووكێ بهلاڤكر و تێدا دیاركر، پێدڤییه ههموو ئالیێن پهیوهندیدارێن كهركووكێ، زمانێ دیالۆگ و تێكگههشتنێ سهربێخن كو ل سهر ئاستێ نێڤدهولهتی جهێ رێزی یه و رژدییا پێكڤهژیانا ئۆلی و نهتهوهیی نیشان ددهت.
مهعسوومی داخواز ژی كرییه، ههموو ئالی پابهندی بنهمایێن دستوورێ ئیراقێ بن و ژ حكومهتا فیدرال ژی خواست، دهست ب بجهئینانا ماددهیێ سهد و چل بكهت و ههموو ئهركێن ل سهر ملێن خوه د وێ دهربارێ دا، بجهبینیت.
سهرۆككۆمارێ ئیراقێ داخواز ژ ههموو هێزێن سیاسی كرییه، بهرپرسیارییا خوه ل ههمبهر پاراستنا بهرژهوهندیێن بلندێن نشتیمانی بجهبینن و ههموو ئالی دوپاتیێ ل رزگاركرنا ئاخا ئیراقێ، ژ دهست داعشێ بكهن.
تُتاح هذه الصورة أيضا في: کوردی