عەبادی: 10 سالە ئالایێ کوردستانێ ل کەرکووکێ بلند کرییە
WAAR-دهۆک:
سەرۆکوەزیرێن ئیراقێ راگەھاند؛ دەھـ سالە ئالایێ کوردستانێ ل کەرکووکێ بلندکرییە، مەزنکرنا وێ پرسێ ژی د راگەھاندنێ دا، ب تنێ بەرزەکرنا سەرکەفتنانە.
حەیدەر عەبادی د ھەڤپەیڤینەکێ دا بۆ کەنالێ مەیادین راگەھاند؛ ئالایێ کوردستانێ بۆ دەمێ دەھـ سالانە ل کەرکووکێ بلندکرییە، مەزنکرنا وێ پرسێ ژی د راگەھاندنێ دا، ب تنێ بۆ بەرزەکرنا سەرکەفتنێن ھێزێن ئیراقێ یە ل سەر داعشێ.
عەبادی ئاماژە دا؛ دەھـ سالە ئالایێ کوردستانێ ل کەرکووکێ بلندکریە، لێ ژ نوو ئەو پرس دراگەھاندنێ دا ھاتییە مەزنکرن، وێ یەکێ ژی پێدڤی ب بەرسڤدانێ ھەیە.
گۆت ژی: ئەو ئالییێن دخوازن کارتان تێکھەل بکەن و ئاستەنگان ھمبەری ھێزێن ئیراقێ دروست بکەن، هه‌ڤڕكییه‌كا سیاسی ھەیە و گۆت: ھندەک دخوازن ئالیێن دی بشکێنن و بەرژەوەندییا وەلاتی بۆ وان گرنگ نینە.
تُتاح هذه الصورة أيضا في: کوردی