لیوایهكا دی یا پێشمهرگهیێن عهرهب دێ هێته پێكئینان
WAAR-دهۆك:
وهزارهتا پێشمهرگهی راگههاند؛ ب فهرمانا بارزانی و ههماههنگی دگهل وهلاتێن ههڤپهیمان، دروستكرنا هێزان بۆ پێكهاتهیێن ههرێمێ دناڤا وهزارهتێ دا دهستپێكرییه، پهیڤدارێ هۆزێن عهرهبێن سوننی ژی دبێژیت: لیوایهكا دی یا پێشمهرگهیێن عهرهب دێ هێته پێكئینان.
د داخویانیهكێ دا، عهمید ههلگورد حكمهت، رێڤهبهرێ راگههاندن و هشیارییا نهتهوهیی گۆت: ژبۆ پاراستنا ئارامیا دهڤهرێن كو پێكهاته تێدا دژین، سهرۆكێ ههرێمێ فهرمان دایه، لیوایێن سهر ب وهزارهتا پێشمهرگهی ڤه بۆ بهێنه دروستكرن و كهسێن ناڤێن خوه دنڤیسن، دێ هێنه مهشقدان و وهلاتێن ههڤپهیمان ژی هایدار و پشتهڤانێن ڤێ گاڤا بارزانی نه.
ژ ئالیێ خوهڤه پهیڤدارێ هۆزێن عهرهبێن سوننی یێن مووسلێ، گۆت: لیوایهكا دی یا پێشمهرگهیێن عهرهب، كو ژ هزار كهسان پێكدهێت، دێ هێته د چارچووڤێ وهزارهتا پێشمهرگهی دا هێته پێكئینان و ل نزیك مهشق و راهێنانێن وان دێ دهستپێكهت.
تُتاح هذه الصورة أيضا في: کوردی