ئێزدی بەرھەڤیێن گێرانا جەژنا چارشەمبوویا سۆر دکن
باسنيوز:
رێڤەبەرێ کاروبارێن ئێزدیان ل دھۆکێ، دیارکر: “نوکە ئێزدی یێ بەرھەڤیێن خوە دکە نبۆ گێرانا جەژنا چوار شەمبیا سۆر جەژنا سەری سالا کوردێن ئێزدی دێ رۆژا چوار شەمبیا بھێت 19/4/2017 رێ و رەسمێن جەژنێ ھێنە کرن”.
ھادی دوبانی، رێڤەبەرێ کاروبارێن ئێزدیان ل دھۆکێ، بۆ (باسنیوز) دیارکر: “بھنڤەدانا فەرمێ یە ل سەرجەم دام ودەزگەھێن حکومەتا ھەرێما کوردستانێ دووڤ بریارا پەرلەمانێ کوردستانێ یا سالا 2010ێ چوار شەمبیا بھێت 19/4 دێ ئێزدی ری و رسمین جەژنا سەری سالا چوار شەمبیا سۆر گێرن ، ل ڤێ جەژنی ئێزدی ھێکا رەنگ و رەنگ دکەن وچەندین رێ و رەسمین ئاینی تایبەت دھێنە گێران ل پەرستگەھا لالش ئێڤاریا چوار شەمبیی 336 فتیل و چرا دھێنە ھەلکرن”.
خۆیا ژی کر: “ئەڤ جەژنا گەلەک پیروزە ل جەم کوردێن ئێزدی چونکە ئەڤ جەژنا گرێدایی جەبرینا ئەردی یە د باوەریا ئێزدیاندا زۆر گەڤنارە ھەتا نوکە بەردەوام رێ و رەسمێن جەژنا سەری سالێ چوار شەمبیا سۆر دھێنە ساخکرن”.
تُتاح هذه الصورة أيضا في: کوردی