جڤاتا وهزیران: پێدڤییه رۆژنامهڤان پیشهییانهتر كار بكهن
WAAR-دهۆک:
جڤاتا وهزیرێن ههرێما كوردستانێ راگههاند؛ میدیایا كوردی پێشكهڤتنهكا بهرچاڤ بخوهڤه دیتییه، لێ پێدڤییه رۆژنامهڤان پیشهییانهتر كار بكهن.
د پهیامهكێ دا، جڤاتا وهزیرێن ههرێما كوردستانێ، 119 سالیا رۆژنامهگهرییا كوردی پیرۆزكر و دیاركر، میدیایا كوردی پێشكهڤتنهكا بهرچاڤ بخوهڤه دیتییه و سهلماندییه كو د شێت وهكه ههموو میدیایا جیهانێ كار بكهت و د شهرێ دژی داعشێ و خهباتا گهلێ كورد دا، میدیایێ رۆلێ بهرچاڤ ههبوویه.
جڤاتا وهزیران، تهماما پشتهڤانییا خوه بۆ مافێن رۆژنامهڤانان و كارێ میدیایی ل كوردستانێ دوپات كرییه و دایه زانین كو میدیایێ پشكداریهكا كارا د پێشڤهبرنا جڤاكی و هشیاركرنا وی دا دیتتیه.
جڤاتا وهزیران سهرباری پیرۆزباهییان، داخواز ژ رۆژنامهڤانان كرییه كو پێشییانهتر و ب رهنگهكێ پرۆفیشنالتر كار بكهن و بنهما و پرهنسیپێن رۆژنامهگهریێ ب پارێزن، داكو بشێن باشتر خزمهتا پاشهرۆژا كوردستانێ بكهن.
تُتاح هذه الصورة أيضا في: کوردی