میرێ ئێزدییان دگەل رزگاربوویێن دەستێ داعشێ کۆم دبیت
WAAR-دهۆک:
میرێ ئێزدییان ل جیھانێ و جڤاتا رۆحانی یا ئێزدییان ئەڤرۆ ل پەرستگەھا لالشێ دگەل سەدان رزگاربوویێن دەستێ داعشێ کۆم بوون.
ل گۆری زانیارییێن وار، ئەڤرۆ ل سات ١١ ل پەرستگەھا لالشێ، میر تەحسین بەگ میرێ ئێزدییان ل جیھانێ، دگەل نێزیکی ٣٠٠ رزگاربوویێن دەستێ داعشێ کۆم بوو و گۆتارەک بۆ وان پێشکێش کر.
کۆمبوونا میری دگەل رزگاربوویان ل دەمەکی یە، دوھی ٣٦ ژن و زاڕۆیێن دی یێن ئێزدی یێن شنگالێ ب ھاریکارییا ھێزێن پێشمەرگەی ھاتبوونە رزگار کرن.
ئامارێن فەرمی ژی ئاماژە دکەن، نێزیکی ٦ ھزار کوردێن ئێزدی کەفتبوونە دەست داعشێ و تا نھا نێزیکی ٣ ھزار ژ وان ھاتینە رزگار کرن.
تُتاح هذه الصورة أيضا في: کوردی