دەخیل حەمۆ:دخوازم ب رێیا سینەمایێ كارەساتا شنگالێ بگەهینمە جیهانێ
تۆرا لالش یا راگەهاندنێ
(دەخیل حەمۆ رەشكۆ)ناسیار ب دەخیل جانۆ بۆ رۆژناما دەنگێ لالش دیاركر، نۆكە قوتابیێ قۆناغا ئێكی پشكا سینەمایێ مە ل كۆلیژا هۆنەرێن جوان ل هەولێرێ، دخوازم ب رێیا سینەمایێ كارەساتا شنگالێ بگەهینمە جیهانێ.
هەروەسا جانۆ گۆت:ل سالا (2004)ێ من دەست بنڤیسنا هەلبەستێ كر ل سەر شێوازێ قۆناغا (ئازاد و كلاسیك) و من كاریە پتر ژ(40)هەلبەستان بنڤیسم،كو ناڤەرۆكا وان گرێدایە (ئەڤینی، وەلات ، سروشت ،دەیك) و پشكەك ژوان ل رۆژنامەیان دا بەلاڤ بووینە، هەرچەندە نۆكە پتر فۆكسا من ل سەر سینەمایێ یە،لێ هەلبەست دناڤ خوونا من دا تێكەل بوویە و نائێتە دەرێ،هەروەسا ل سالا (2007) بوومە ئەندام د تیپا گرعزێر یا هۆنەرێ شانۆیێ دا و ل سەر ئاستێ قەزا شنگالێ پشكداری پتر ژ (15)شانۆگەریان بوویمە،دیسان من لبەرە كارەساتا ب سەرێ ئێزدیان دا هاتی ل شنگالێ ب سینەمایێ بگەهینمە جیهانێ،هیڤیدارم پتر گرنگی ب بیاڤێن هۆنەری بێتەدان و رۆژەك بێت شنگال ژی ببە خودان پەیمانگەهەكا هۆنەری دگەل ڤەكرنا سەندیكایەكا هۆنەری،داكو پتر دەڤەر بكارت رەسانەیەتیا كوردی پارێزت.
ناڤهاتی دا زانین ب هاریكاریا چەند هەڤالێن هێژا و شارەزا یێن كەنالێن ئەسمانی فێری كامیرا ڤیدیۆیێ بوویمە ل سالا (2008) ،دبینم ئەگەر سینەماكار خۆ فێرێ كامیرا ڤیدیۆیێ بكت،باشتر دێ كارت هزرا خۆ د سینەمایێ دا بەرجەستەبكت.
تُتاح هذه الصورة أيضا في: کوردی