سوبه بارزانی دێ سه‌ره‌دانا شاهنشینا ئوردنێ كه‌ت
WAAR-دهۆک:
بریاره سوبه سه‌رۆكێ هه‌رێما كوردستانێ، ب سه‌ره‌دانه‌كا فه‌رمی سه‌ره‌دانا شاهنشینا ئوردنێ بكه‌ت و دگه‌ل شاهێ وی وه‌لاتی كۆمببیت.
ژێده‌ره‌كی ژ سه‌رۆكایه‌تییا هه‌رێما كوردستانێ ب وار راگه‌هاند؛ سوبه رۆژا پێنج شه‌مبی، مه‌سعوود بارزانی سه‌رۆكێ هه‌رێما كوردستانێ، ب سه‌ره‌دانه‌كا فه‌رمی به‌ره‌ڤ شاهنشینا ئوردنێ برێكه‌ڤیت و پشكداری كۆربه‌ندێ ئابووری یێ جیهانی ببیت و د چارچووڤێ سه‌ره‌دانا خوه دا، دگه‌ل شاهـ عه‌بدوللا یێ دووێ شاهێ ئوردنێ و ژماره‌یه‌كا به‌رپرسێن وه‌لاتێن جیهانێ كۆمبیت و گۆتوبێژێ ل سه‌ر چه‌ندین پرسێن گرنگێن ده‌ڤه‌رێ بكه‌ن.
سه‌ره‌دانا چاڤه‌رێكری یا بارزانی بۆ شاهنشینا عه‌ره‌بی یا ئوردنێ، دبیته سێیه‌م سه‌ره‌دانا وی بۆ وی وه‌لاتی و د داوی سه‌ره‌دان دا ل مه‌ها گولانا سالا 2015، شاهێ ئوردنێ ب دانانا ئالایێ كوردستانێ ل كوچكا شاهانه یا وی وه‌لاتی پێشوازی ل بارزانی كربوو.
تُتاح هذه الصورة أيضا في: کوردی