سەربەست تروانشی:شنگال كوردستانی یە و خەلكێ دەڤەرێ قوربانیدانا مەزن دایە ژبۆ دۆزا نەتەوەیی
تۆرا لالش یا راگەهاندنێ
بەرپرسێ لقێ ئێك یێ پارتی دیموكراتی كوردستان راگەهاند،شنگال كوردستانی یە و خەلكێ دەڤەرێ قوربانیدانا مەزن دایە ژبۆ دۆزا نەتەوەیی،ئاماژەكر ژی كو بنگەهێ لالش بوویە دەزگەهەكێ گرنگ و مەزن ل نك سەركردایەتیا سیاسی یا كوردستانێ.
ئیرۆ 17/5/2017ێ،بەرێز”سەربەست تروانشی” بەرپرسێ لقا ئێك یا پارتی دیموكراتی كوردستان سەرەدانا دەستەیا بلندا بنگەهێ لالش یێ رەوشەنبیری و كۆمەلایەتی ل دهۆكێ كر و ژبال بەرێز”شێخ شامۆ”سەرۆكێ بنگەهی و كۆمەكا ئەندامان ڤە هاتە پێشوازیكرن.
دهەڤدیتنێ دا تروانشی دیاركر كو هندەك پارت ل شنگالێ هەولددەن دەڤەرێ بكەنە گۆرەپانا شەر و هەڤركییان و نیازا وان یا سەرەكی بەلبەلە و دابەشكرنە دناڤبەرا پێكهاتێن وێ دا،دووپاتكر كو شنگال كوردستانی یە و خەلكێ دەڤەرێ قوربانیدانا مەزن دایە ژبۆ دۆزا نەتەوەیی.
دەربارێ بنگەهێ لالش ناڤهاتی گۆت:”بنگەهێ لالش بوویە دەزگەهەكێ گرنگ و مەزن ل نك سەركردایەتیا سیاسی یا كوردستانێ،چنكو پێگەهێ سەرەكی یە بۆ دانەنیاسینا ئایینێَ ئێزدی كو كەڤنترین ئایینێ كوردی یە ل جیهانێ و رێ نادەین هەر لایەنەكی كار بكت،ژبۆ كێمكرنا رۆل و بەهایێ ڤی بنگەهی”.
ژلایێ خۆڤە بەرێز”شێخ شامۆ”خۆشحالیا خۆ دیاركر ب سەرەدانا بەرپرسێ لقێ و دیاركر كو بنگەهێ لالش دێ ل سەر پەیرەوێ خۆ یێ ئایینی و نەتەوەیی مینت دچارچووڤەیێ كوردستانێ دا،چنكو ئێزدی پشكەكن ژ نەتەوا كورد.
ههروهسا سەرۆكێ بنگەهێ لالش پەسنا رۆلێ بلندێ بەرێز تروانشی كر بۆ ئەوا پێشكێشكری بەری روودانان یان ل بەرەیێن پێشمەرگەی پشتی روودانان.
تُتاح هذه الصورة أيضا في: کوردی