کچەکا دى یا ئێزدی ژدەستێن تیرۆرستان ھاتە رزگارکرن
باسنيوز:
رێڤەبەرێ نڤیسینگەھا رزگارکرنا رەڤاندیێن ئێزدی، دیارکرکو نوکە کچەکا دێ یا کوردێن ئێزدی دژیێ 15 سالیی دا ژدەستێن تیرۆرستێن داعش ژ پارێزگەھا مووسل ھاتە رزگارکرن ئەڤ شەڤا دێ گەھتە ناڤ کەس وکارێن خوە ل کەمپا ئیسان دەڤەرا باعەدری.
حسێن قائێدی، رێڤەبەرێ نڤیسینگەھا رزگارکرنا رەڤاندیێن ئێزدی، بۆ (باسنیوز) دیارکر: “ب ھەڤکاریا ھێزیێن پێشمەرگەی کوردستانێ و دەزگەھێن ئیمناھیی ل دھۆکێ ئەڤرۆ 23/5/2017 کچەکا ئێزدی یا تەمەن 15 سالیێ ژ مووسل ھاتە رزگارکرن نوکە ب رێکی ڤە یە دێ پشتی چەند دەمژمیرین دێ گەھتە پارێزگەھا دھۆکێ دێ قەستا ناڤ کەس وکارێن خوە کەت ل کەمپا ئیسان دەڤەرا باعەدری سەر شێخان ڤە و سبەی 24/5 دێ کاروبارێن وێ ھێنە رێڤەبرن ل نڤیسینگەھا رزگارکرنا رەڤاندیێن ئێزدی دھۆکێ”.
خۆیا ژی کر: “دڤێ حەڤتیی دا 12 کچ وژن وزارۆکێن ئێزدی ژدەستێن تیرۆرستێن داعش ھاتنە رزگارکرن ھەتا نوکە ھەژمارا رزگاربوویان گەھشتە پتر ژ سێ ھزار کەسان ب پشتەڤانیا نڤیسینگەھا سەرۆکێ حکومەتا ھەرێما کوردستانێ ھەولێن مەزن دھێنە دان بۆ رزگارکرنا ھەموو رەڤاندیان”.
تُتاح هذه الصورة أيضا في: کوردی