ئاوارێن ئێزدی ل سلێمانیێ تووشی كریارێن دزیێ دبن
دەنگێ لالش،قاسم عەلی
چەند خێزانێن ئاوارەیێن ئێزدی یێن ل پارێزگەها سلێمانیێ ئاكنجی،هەتا نۆكە تووشی چەندین كریارێن دزیێ بووینە ژبال چەكدارێن نەنیاس ڤە،كو كەلوپەل و هەر تشتەكێ هەین هاتینە دزین و برن.
ژێدەرەكی نێزیكی وان تایبەت بۆ رۆژناما دەنگێ لالش ئاشكەراكر،ل رۆژا ئینیێ 26ئەیارا 2017ێ و ل دەمژمێر11ی شەڤێ هەفت كەسێن چەكدار یێن نەنیاس هێرشی مالا خێزانەكا ئاوارەیا ئێزدی ژ شنگالێ ل پارێزگەها سلێمانیێ كرن و دەما ڤیاین بچنە دخانی ڤە دەرگەه قوتان و گۆتن ئەم ژ ئاساییشێ نە و دەما وێ خێزانێ رەدكری دەرگەهی ڤەكت دسەر دەرگەهی را چوون و گەفێن كوشتنێ لێكرن و چەك ب سەر سەرێ وان دا بلندكر و دراڤ و هەر تشتەكێ هەی و هەتا تێلەفونێن وان برن،ئەڤە نە خێزانا ئێكێ یە تووشی دزیێ دبت ژبال كەسێن نەنیاس ڤە،بەلێ چەند خێزانێن دیتر یێن ئێزدی و سووری ژی تووشی ڤان كریاران بووینە.
ڤی ژێدەری گۆتژی خێزانا بناڤێ(ك)چەند گرتیێن وان هێشتا د دەستێ رێكخراوا تیرۆرستیا داعشێ دان.
تُتاح هذه الصورة أيضا في: کوردی