شێوەكارەك:وەك پێتڤی پشتەڤانی ل هۆنەرمەندێن شنگالێ نەهاتیە كرن
تۆرا لالش یا راگەهاندنێ
هۆنەرمەندێ شێوەكارێ ئێزدی(ساهر قاسم)دكورتە دیدارەكێ دا بۆ رۆژناما دەنگێ لالش راگەهاند، راستیا ئێش و ئازارێن ب سەرێ مللەتێ مە یێ ئێزدی هاتین دكارەساتا شنگالێ دا من كرینە وێنە، و ئەو كاودان د 30 تابلۆیان دا دیاركرینە،دیسان هەتا نۆكە وەك پێتڤی پشتەڤانی ل هۆنەرمەندێن شنگالێ نەهاتیە كرن.
هەروەسا(قاسم)دیاركر،ئەڤ كارەساتا ل 3/8/2014ێ ب سەرێ خەلكێ شنگالێ هاتی وپشتی ئێش و ئازارێن مللەتێ خۆ ب چاڤێن خۆ دیتین هەست وسۆزێن من هاندام وان راستیا بكەمە وێنە و ل15/12/2014 من دەست ب چێكرنا وێنەیان كریە،هەر كەسەكێ وێنەیان چێ دكت هەست ب خۆشیەكا بێ داوی دكت لێ من هیچ خۆشیەك ژچێكرنا وان نەدیت،ژبەركو هەموو ئێش وئازار بوون من خۆ دناڤا وان كەڤالادا خەمبار ودل شكەستی ددیت،چنكو هەموو وێنێن من گرێدایی رەوشا باشیك وبەحزانێ وشنگالێ بووینە وئەو كاودانێن ب سەرێ مە هاتین د30تابلۆیان دا دیاركرینە،هەروەسا كەڤالێن من گرێدایی كارەساتا شنگالێ نە ونۆكە ب گشتی چێدكم ئانكو گرێدایی رەوشا ئازارێن عێراقێ وكوردستانێ نە وكەڤال ب رەنگێن زەیتی نە و گەلەك حەژ وێنێن خەیالی و سریالی دكەم،گۆتژی هەتا نۆكە ب هیچ شێوەیەكی وەك پێتڤی پشتەڤانی ل هۆنەرمەندێن شنگالێ نەهاتیە كرن.
ناڤهاتی ئاماژەكر،بەشداری پیشانگەهەكا شێوەكاری ل پارێزگەها بەسرا و ل زانكۆیا دهۆكێ بوویمە،لێ هەتا نۆكە چوو پێشانگەه من ڤەنەكرینە،دیسان ژلایێ مادی و مەعنەوی ڤە خێزانا من پشتەڤان بوویە و كەسانێن هاندایم ژبۆ چێكرنا وێنەیان مامۆستا(خدر دحام، مسافر قاسم)بووینە.
تُتاح هذه الصورة أيضا في: کوردی