WAAR_دهوک

د په‌یوه‌ندییه‌كا تله‌فونی دا، سه‌رۆكێ هه‌رێما كوردستانێ و سه‌رۆكوه‌زیرێن ئیراقێ، شه‌ڕێ مووسلێ و هه‌ماهه‌نگییا هێزێن پێشمه‌رگه‌ی و ئیراقی، گۆتوبێژ كرن.

ل گۆری راگه‌هاندنه‌كا نڤێسینگه‌ها حه‌یده‌ر عه‌بادی سه‌رۆكوه‌زیرێن ئیراقێ، ئه‌ڤرۆ سپێدێ مه‌سعوود بارزانی سه‌رۆكێ هه‌رێما كوردستانێ، ب رێیا تله‌فونێ په‌یوه‌ندی ب عه‌بادی كرییه‌ و داوی پێشهاتێن سیاسی و ئابووری و ئێمناهیێن ده‌ڤه‌رێ گۆتوبێژ كرینه‌ و باس ل هه‌ماهه‌نگی و رێككه‌فتنێن سه‌ربازی یێن دناڤبه‌را پێشمه‌رگه‌ی و هه‌موو هێزێن ئیراقی دا كرینه‌.
هه‌روه‌سا هه‌ردو ئالییان، دوپاتی ل ئێكرێزی و دووركه‌فتنێ ژ هه‌ر كاره‌كی كر كو راسته‌وخوه‌ كاریگه‌ریێ ل سه‌ركه‌فتنێن هێزێن ئیراقی بكه‌ت، ژبه‌ركو ب ئێكرێزیێ سه‌ركه‌فتنێن مه‌زن دێ ل دژی تیرۆرستان هێنه‌ تۆماركرن و ئارامی ڤه‌گه‌ریته‌ هه‌موو ده‌ڤه‌رێن رزگار كری.