WAAR-دهۆک:

سەرۆکێ پارتییا یەکیتییا دیمۆکرات پەیەدێ رەتکر ئەو پشتەڤانییا رژێما سووریێ بکەت و راگەھاند؛ رژێما ئیرانێ وەکو رژێما سووریێ دژاتییا مافێن گەلێ کورد دکەت.
سالح موسلم د دیدارەکێ د گەل رۆژنامەیا ئەلریاز یا سعوودی راگەھاند؛ ئەو پشتەڤانییێ ل رژێما ئەسەدی ناکەن، رژێما ئیرانێ ژی وەکو رژێما سووریێ دژاتییا مافێن گەلێ کورد دکەت.
موسلم گۆت ژی: رۆژا سەرھلدانا شۆرەشا سووریێ، ئەو تێکەلی شۆرەشێ بووینە، لێ ب دروشم و ئاوایێ خوە یێ تایبەت داخوازا دیمۆکراسیێ و ئازادیێ و مافێن سروشتیێن مرۆڤان کرییە، داخوازا وان ژی نە ژ ئالیێ رژێمێ و نەژی ژ ئالیێ رێبەرێن ئۆپۆزسیۆنێ نەھاتییە قەبوول کرن.
ل دۆر پەیوەندیێن وان دگەل رژێما ئیرانێ ژی، موسلم گۆت: وان پەیوەندی دگەل ئیرانێ نینن، ژبەرکو سیاسەتا ئیرانێ چو جوداھی د گەل سیاسەتا رژێما سووریێ نینە و ھەردو ژی دژی مافێن گەلێ کوردن.