کچەکا ئێزدى ل سوریا ژدەستێن تیرۆرستێن داعشێ ھاتە رزگارکرن

رێڤەبەرێ نڤیسینگەھا رزگارکرنا رەڤاندیێن کوردێن ئێزدی، دیارکرکو ئەڤرۆ 18/6/2017 کچەکا کوردێن ئێزدی تەمەنی 11 سالیێ دا ژ دەستێن تیرۆرستێن داعش ل باژێری میادین وەلاتی سوریا ھاتنە رزگارکرن.

حسێن کورۆ قائێدی، رێڤەبەرێ نڤیسینگەھا رزگارکرنا رەڤاندیێن کوردێن ئێزدی، بۆ (باسنیوز) دیارکر: “ئەڤ کچا ھاتیە رزگارکرنا خەلکا کۆمەلگەھا سیبا شێخ خدر ل قەزا شنگال دگەل مالباتا خوە ل رۆژا 3/8/2014 ھاتبوو رەڤاندن ھەتا نوکە گەلەک ئەندامێن مالباتا وێ دەستێن تیرۆرستێن داعشدا ماینە ھەولدانێن نڤیسینگەھا رزگارکرنا رەڤاندیێن کوردێن ئێزدی یا بەردەوام بۆ رزگارکرنا ھەموو رەڤاندیان ب پشتەڤانیا نڤیسینگەھا سەرۆکێ حکومەتا ھەرێما کوردستانێ”.

خۆیا ژی کر: “ئەڤە بۆ دەمێ چەند رۆژان ئەم دگەل ھندەک خێراخوازن کار دکەین بۆ رزگارکرنا ڤێ کچا 11 سالیی ژ وەلاتی سوریا باژێری میادین ھوسا دیارە تیرۆرستێن داعش گەلەک کچ وژن وزارۆکێن کوردێن ئێزدی بۆ وەلاتی سوریا بتایبەتی ژێ بۆ باژێری رەقە و میادێن ڤەگوھاستینە”.

ھەتا نوکە سێ ھزار وپتر ژ 25 کەسێن ئێزدی ژدەستێن تیرۆرستێن داعش ب پشتەڤانیا نێچیرڤان بارزانی سەرۆکێ حکومەتا ھەرێما کوردستانێ ھاتینە رزگارکرن و ھیشتا 3400 کەس ماینە رەڤاندی ئەم بەردەوام کاردکەن بۆ رزگارکرنا رەڤاندیێن کوردێن ئێزدی.