مهسروور بارزانی بۆ نهتهوهیێن ئێكگرتی: گاڤێن ریفراندۆمێ د ئاشتیانه و دستووری نه
WAAR-دهۆك:
شیرهتكارێ جڤاتا ئاسایشا ههرێما كوردستانێ راگههاند؛ ههرێما كوردستانێ بۆ ریفراندۆمێ، رێیێن ئاشتیانه و دستووری دهستپێكرینه و چو گاڤێن دژی دستوورێ ئیراقێ، نههاڤێتینه.
مهسروور بارزانی شیرهتكارێ جڤاتا ئاسایشا ههرێما كوردستانێ، ئهڤرۆ پێشوازی ل یان كۆبیج نوونهرێ تایبهتێ سكرتێرێ گشتی یێ نهتهوهیێ ئێكگرتی ل ئیراقێ و شاندهكا دگهل دا كر و باس ل داوی پێشهاتێن دهڤهرێ و ریفراندۆما سهرخوهبوونا كوردستانێ كرن.
دهربارهیی ریفراندۆما ههرێمێ، شاندا نهتهوهیێن ئێكگرتی دوپاتكر كو ئهو پشتهڤانێن دانوستاندنێن كارانه دناڤبهرا ههولێر و بهغدایێ دا، ب تایبهت ژی، د قۆناغێن بهریا ریفراندۆمێ و پشتی ریفراندۆمێ دا.
ژ ئالیێ خوهڤه مهسروور بارزانی گۆت: ریفراندۆم میكانزمهكا دیمۆكراسیانهیه بۆ زانینا خواستێن وهلاتییان و ئهو ههموو ئالییان پشتراست دكهن، د نها و پاشهرۆژێ ژی دا، كوردستان دێ فاكتهرێ چارهیا ئاشتیانه یا ههموو كێشهیێن دهڤهرێ بیت.
دا زانین ژی: بۆ پرسا ریفراندۆمێ، وان رێكارێن قانوونی گرتینه بهر و ژبهركو بهغدا دستوور بنپێكر، ئێدی ئهو دهرگههه بۆ گهلێ كوردستانێ ڤهبوو، بریارێ ل سهر چارهنڤیسێ خوه بدهن.
تُتاح هذه الصورة أيضا في: کوردی