WAAR-دهۆك:

پارتی دیمۆکراتی کوردستان سەرەدانا عەبادی یا ئیرانێ شەرمزار کر و کۆمبوونا وى دگەل خامەنەئی ب سڤکاتیکرن ب ئیراقییان ب ناڤ کر.

عەرەفات کەرەم، سەرۆکێ فڕاکسیۆنا پارتی دیمۆکراتی کوردستان ل جڤاتا نوونەرێن ئیراقێ راگەھاند؛ سەرەدانا عەبادی یا ئیرانێ شەرمزاری یە، ژبەرکو ئەو نوونەراتییا ھەموو وەلاتییێن ئیراقێ دکەت نە بتنێ شیعەیان، لێ ب مخابنى ڤه‌ سەرەدانا وی ب تنێ ژ ترسا کوتلەیێن دژی وی یێن شیعی بوو.

ھەروەسا دیار ژی کر؛ کۆمبوونا عەبادی دگەل خامەنەئی سڤکاتیکرنە ب ھەموو ئیراقییان، ژبەرکو پێدڤى بوو سەرەدان بۆ کارێن دەولەتێ با، نە ژ بۆ دیتنا مەزارگەھان و رابەرێن ئۆلی.
بەرسڤا پارتی دیمۆکراتی کوردستان د دەمەکی دایە کو ئایەتوللا خامەنەئی، رابەرێ کۆمارا ئیسلامی یا ئیرانێ د کۆمبوونا دگەل حەیدەر عەبادی، سەرۆکوزیرێن ئیراقێ دا، ئاماژە ب رێفڕاندۆما سەرخوەبوونا ھەرێما کوردستانێ كر و دژایەتییا خوە بۆ پارچەبوونا ئیراقێ دیار کربوو.