پرۆژەیەكێ ستراتیژی دێ ل كۆمەلگەها خانكێ ئێتە چێكرن
دەنگێ لالش،صباح سمیر 
سەرۆكاتیا باژێرڤانیا خانكێ ئاشكەراكر،ل دەمەكێ نێزیك دا پرۆژەیەكێ گرنگ و ستراتیژی دێ ل كۆمەلگەهێ ئێتە چێكرن.
سەرۆكێ باژێرڤانیا خانكێ(حمود غەربی)بۆ دەنگێ لالش خویاكر،پرۆژێ جادا ناڤخۆیی ل كۆمەلگەها خانكێ ل سالا 2014ێ رازەمەندی بۆ هاتبوو دان ب كوژمێ (3,750)سێ ملیار و هەفت سەد و پێنجی ملیۆن دیناران بۆ ڤێ جاددێ هاتبوون تەرخانكرن،لێ ژبەر قەیرانا دارایی یا هەرێما كوردستانێ ڤەگرتی و شەرێ داعش هاتبوو سەكناندن،لێ پشتی هەولدانێن مە نە سەكنی و ئەم بێ هیڤی نەبوون وەك باژێرڤانی مە كاری دیسان جارەكا دی ڤی پرۆژەی چێكن،ژبەر گرنگیا وی یا ستراتیژی ژبۆ خەلكێ كۆمەلگەهێ و گۆت:((پرۆژە دێ ل سەر دوو قۆناغا ئێتە چێكرن و قۆناغا ئێكێ ب درێژاهیا (1575م ) و فرەهیا (13م) یا ئێك سایدی ب كوژمێ (503,772) پێنچ سەد و سێ هەزار و هەفت سەد و دوو دۆلارێن ئەمریكی و كوژمە ژدراڤێ رێكخراوا هاتیە دابینكرن ، قۆناغا دووێ ب درێژاهیا (655م) ب كوژمێ(274,260000) دوو سەد و هەفتی و چار ملیۆن و دوو سەد و شێست هەزار دینارایە و ئەڤ كوژمە ژ پارێزگەهێ ب رێیا قاییمقامیا قەزا سێمێلێ هاتیە دابینكرن،ل دەمەك نێزیك دێ كار دڤی پرۆژەی دا ئێتە ئەنجام دان)).
جادا ناڤخۆیی ل سالێن هەشتیان دا ژبۆ پرۆژێ ئاڤا خانكێ هاتبوو دروستكرن،ئەڤە ماوەیەكێ درێژە خەلكێ كۆمەلگەهێ چاڤەرێ چێكرنا وێ دكن.
تُتاح هذه الصورة أيضا في: کوردی