ئەمریکا: زێدهتر ژ 190 هەزار کەسان ڤهگەرياينه موسل
وەزارەتی بەرگریی ئەمریکا (پێنتاگۆن) رایگەیاند، لە سەرەتای ئەمساڵەوە ژمارەیەکی زۆر لە خەڵکی موسڵ گەڕاونەتەوە شارەکە و رۆژ لە دوای رۆژیش ئاماژەکانی دەستپێکردنەوەی ژیانێکی ئاسایی زیاتر دەردەکەون.
پێنتاگۆن ئاماژە بەوە دەکات، لە سەرەتای ساڵی 2017ەوە 191 هەزار کەس لە خەڵکی موسڵ گەڕاونەتەوە سەر ماڵ و حاڵی خۆیان لە بەری رۆژهەڵاتی موسڵ، نزیکەی 320 قوتابخانە کراونەتەوە و 350 هەزار قوتابیش دەستیان بە پرۆسەی خوێندن کردووەتەوە.
وەزارەتی بەرگریی ئەمریکا دەڵێت، لە بەری رۆژهەڵاتی موسڵ چوار پرۆژەی دابینکردنی ئاو کراونەتەوە و ئەوانیش رۆژانە زیاتر لە سێ ملیۆن و نیو لیتر ئاو بۆ خەڵک دابین دەکەن.
ئۆپەراسیۆنی کۆنتڕۆڵکردنەوەی موسڵ لە مانگی تشرینی یەکەمی رابردوودا دەستیپێکرد و ئێستاش تەنیا چەند گەڕەکێکی بەری رۆژئاوای شارەکە لە ژێر دەسەڵاتی داعشدا ماونەتەوە.
تُتاح هذه الصورة أيضا في: کوردی