ناسا بەحسا دیتنا گەرستێرکێن هەڤئاوایێ زەمینێ دکە
ئێن ئارتى
ئاژانسا ناسا بەلاڤکریە کو تەلەسکۆپا کیپلەر ١٠ گەرستێرکێن نوو ژ دەرڤەى کۆمەلەیا ڕۆژێ دیتنە، دبە کو ژیان تێدە هەبە.
پشتى کو تەلەسکۆپا کیپلەر ئەرکێ سەرەکە یێ خوە تەمام کر، ڕۆژا دووشەمى ئاژانسا ناسایێ ئەو یەک بەلاڤکریە کو وان ٤٩ گەرستێرک ل دەڤەرا گۆلدیلۆکس دیتنە، دبە کو هەژى ژیانکرنێ بن.
لگۆرى ئاژانسا ئەسۆشێت پرێس، ناسا ئەو یەک زەلال کریە کو وێ تەلەسکۆپێ بەشەکە زێدە بچووک یا وان گەرستێرکان پشکناندیە.
ماریۆ پێرێز کو زانایەکێ تیما تەلەسکۆپا کیپلەرە گۆتیە “دیتنا ڤان گەرستێرکان دبە کو واتەیا وێ یەکێ بە کو ئەم د گەردوونێ دە نە تەنێ بن”.
کارێ کۆمکرنا زانیاریان دەما چار ساڵان دۆماندیە و ئەو یەک ژى ئاشکەرا بویە کو ئەگەرا هەبوونا گەرستێرکێن مینا زەمینێ تێ کرن.
زانا وسا دبینن کو دیتنا ڤان گەرستێرکان هێڤیا هەبوونا ژیانێ ل جهێن دن یێن گەردوونێ دورست دکە.
ناسایێ ئەو یەک ژى ڕاگهاندیە، کو وان ٢١٩ گەرستێرکێن نوو دیتنە.
پ.م
تُتاح هذه الصورة أيضا في: کوردی