قەناسەکێ کەنەدی ژ ھێزێن تایبەت ژ دویری یا ٣٥٤٠ مەتران ئارمانجا خو پێکئینا و چەکدارەکێ داعش کوشت، ب ڤێ ئێکێ ژی ژمارەیا پیڤای یا جیھانێ تومارکر.
ژێدەرەکێ سەربازی یێ کەنەدی راگەھاند : قەناسێ کەنەدی سەر ھێزێن ئەرکێن ھەڤپشک بوو و ھەیڤا بوری ل سەر ئاڤاھیەکێ بلندیێ مووسل ئارمانجا خو پێکئینا.
ژلایێ خوڤە ژی فەرماندەیەکێ ئوپراسیونێن تایبەت یێ کەنەدی ئەو زانیاریە بو کەنالێ (بی بی سی) پشتراستکر کو قەناسێ وان ژ وێ دویراتیێ ئامانجا خو ب سەرکەفتی پێکئینا و ب وێ ژی دبیتە دویرترین مەودا کو تیرورستەکێ داعش بکوژیت ژ دویراتیا ٣٥٤٠ مەتران.
ھەڤدەم بسپورێن بیاڤێ سەربازی وەسا دزانن کو وی قەناسی ژمارەیا پێڤا تومارکریە و ژمارەیا بەرێ ب ناڤێ قەناسەکێ دی یێ بریتانی بوو کو ل سالا ٢٠٠٩ چەکدارەکێ تالیبانی ب سەرکەفتی ژ دویراتیا ٢ ھزار و ٤٧٥ مەتران کوشت بوو.