روونشتنا ئێکێ یا دادگەھکرنا رێبوار تالەبانی ھات سازکرن
WAAR-دهۆك:
سەرۆکێ جڤاتا پارێزگەھا کەرکووکێ، ل سەر دۆسیەیا بلندکرنا ئالایێ کوردستانێ، ئەڤرۆ ل ھەمبەر دادگەھا فیدرالی ل بەغدا بەرھەڤ بوو، روونشتنا دووێ ژی بۆ ی٢٤ ڤێ مەھێ ھات پاشخستن.
رێبوار تالەبانی سەرۆکێ جڤاتا پارێزگەھا کەرکووکێ بۆ وار دیارکر، ل سەر سکالایا پێنج ئەندامێن بەرەیا تورکومانی، ئەڤرۆ ھەمبەری دادگەھا فیدرالی ل بەغدا بەرھەڤ بوو و پشتی روونشتن ب شێوەیەکێ ئاسایی ھاتی کرن، روونشتنا بھێت بۆ بیست و چواری ڤێ مەھێ ھات پاشخستن.
سەرۆکێ جڤاتا پاریزگەھا کەرکووکێ، داخواز ژ پەڕلەمانتارێن کورد ل بەغدا و مەکتەبێن سیاسی یێن ھەموو حزبێن کوردی کر، ل سەر دۆسیەیا وی بھێنە دەنگ و خوەدان ھەلویست بن.
ئەڤە د دەمەکی دایە ل ٢٨ مەھا ئادارا ئەڤ سالە، جڤاتا پارێزگەھا کەرکووکێ ب پترییا دەنگان، بریارا بلندکرنا ئالایێ کوردستانێ ل سەر ھەموو سازیێن فەرمی یێن وی باژاری، دەرخستبوو.
تُتاح هذه الصورة أيضا في: کوردی