500 کچ وژنێن رزگاربووی دێ بۆ وەلاتی ئەلمانیا ئێنە رەوانەکرن
باسنيوز:
رێڤەبەرێ نڤیسینگەھا رزگارکرنا رەڤاندیێن کوردێن ئێزدی، دیارکرکو حکومەتا ئەلمانیا رازمەندی نیشئاندایه 500 کچ وژنێن ئێزدی یێن ژ دەستێن تیرۆرستێن داعش رزگاربووین رەوانەی ئەلماینا بکەت ب مەرەما چارەسەریا دەروونی و جەستەیی.
حسێن کورۆ قائێدی، رێڤەبەرێ نڤیسینگەھا رزگارکرنا رەڤاندیێن کوردێن ئێزدی، بۆ(باسنیوز) دیارکر: “دێ ھەماھەنگی دگەل حکومەتا ھەرێما کوردستانێ ھێتە کرن بۆ رەوانەکرنا وان 500 کچ و ژنان. ئهو دێ بۆ ماوەیەکێ ل ئەلمانیا مینن بۆ وەرگرتنا چارەسەری وبەری نئکە ژێ ھزار کچ وژنێن ئێزدێ یێن رزگاربووین ژدەستێ تیرۆرستێن داعش بۆ ئەلمانیا ھاتبوونە رەوانەکرن وچارەسەری وەردگرتن، ل دەمەکێ نێزیک دێ نڤیسینگەھا رزگارکرنا رەڤاندیێن ئێزدی ب رێکا حکومەتا ھەرێما کوردستانێ ناڤێن وان کچ وژنان بەرھەڤ کەت”.
خۆیا ژی کر: “دووڤ بەرنامێ حکومەتا ئەلمانیا دێ بۆ ماوەیەکێ دەست نێشانکری ئەڤ ھژمارا کچ وژنان ل ئەلمانیا مینن بۆ وەرگرتنا چارەسەری. ئەم داخوازێ دکەین ھەموو دەولەتێن جیھانی ھەڤکاریا کچ وژنێن ئێزدی بکەن یێن ژدەستێن تیرۆرستان رزگاربووین بۆ چارەسەری”.
تُتاح هذه الصورة أيضا في: کوردی