حوسێن کورۆ: کچەکا دی یا ئێزدی ھاتە رزگارکرن
باسنيوز:
رێڤەبەرێ نڤیسینگەھا رزگارکرنا رەڤاندیێن ئێزدی دیارکرکو ئەڤرۆ 18/7/2017 کچەکا رەڤاندی دژیێ 15 سالیێ دا یا ئێزدی ب ھەڤکاریا ئاسایشا قەزا ئاکرێ و قەزا شێخان ژ پارێزگەھا مووسل ھاتە رزگارکرن.
حوسێن کورۆ قائێدی، رێڤەبەرێ نڤیسینگەھا رزگارکرنا رەڤاندیێن ئێزدی بۆ (باسنیوز) دیارکر: “نوکە کچەکا ئێزدی دژیێ 15 سالیی دا خەلکا دەڤەرا تل قەسەب ژ دەستێن تیرۆرستێن داعش ل مووسل ھاتە رزگارکرن دێ بۆ پارێزگەھا دھۆک ھێتە رەوانەکرن ئەڤ کچا ب ریێن تایبەت یێن نڤیسینگەھا رزگارکرنا رەڤاندیێن ئێزدی دگەل ئاسایشا قەزا ئاکرێ و شیخان ھاتە رزگارکرن ئەم ھەولێن بەردەوام داینە بۆ رزگارکرنا ھەموو رەڤاندیێن کوردێن ئێزدی”.
خۆیا ژی کر: “رەڤاندیێن ئێزدی ل مووسل تووشی ھەموو جۆرێن زولمی بووینە ئەڤ کچا ئەڤرۆکە ژی ھاتیە رزگارکرن تووشی ئەشکەنجەدانێ و زولمی بوویە ھەتا نوکە پتر ژ سێ ھزار رەڤاندیێن ئێزدی دەستێن تیرۆرستێن داعش دا ماینە ب پشتەڤانیا سەرۆکێ حکومەتا ھەرێما کوردستانێ ھەتا نوکە پتر ژ 3060 رەڤاندیان یێن ھاتێنە رزگارکرن”.
تُتاح هذه الصورة أيضا في: کوردی